A alcaldesa, Marta Rouco, e o concelleiro Luis Fernández visitaron as actuacións realizadas para reforzar a seguridade e a funcionalidade do espazo
Vilalba, 30 de xaneiro, 2026. O Concello de Vilalba vén de realizar novas melloras no parque infantil da rúa da Emigración, co obxectivo de reforzar a seguridade e adaptar a infraestrutura ás necesidades detectadas no seu uso diario.
A alcaldesa, Marta Rouco, e o concelleiro de Infraestruturas Urbanas, Luis Fernández, visitaron o espazo para comprobar o resultado das actuacións, centradas principalmente na protección dos máis pequenos e na posta a punto de varios elementos de xogo.
Rouco explicou que estas intervencións “responden a peticións das familias e forman parte dunha forma de traballar baseada na mellora constante dos espazos públicos”. Engadiu que escoitar ás veciñas e veciños e introducir axustes cando é necesario “é clave para garantir que as infraestruturas cumpran correctamente a súa función”.
Entre as melloras realizadas destaca a instalación dun novo valado perimetral de 26 metros, unha demanda recorrente das familias para evitar situacións de risco. Tamén se substituíu o columpio de cesta por un novo e repúxose o asento da tirolesa, garantindo o bo estado e o uso seguro dos xogos.
A alcaldesa subliñou que os espazos infantís “requiren un seguimento continuo e actuacións periódicas”, e asegurou que a prioridade do goberno local é “a seguridade e o benestar das familias”.
Ademais, avanzou que, unha vez melloren as condicións meteorolóxicas, o Concello iniciará a renovación integral do parque Rosalía de Castro e instalará un novo parque infantil no campo da feira, xunto á pista multideporte, continuando así coa mellora dos espazos públicos destinados á infancia e ao lecer familiar.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
