Ribadeo, 4 de febreiro de 2026. Ribadeo solicita a mellora do peche perimetral da estación de autobuses e das zonas verdes desa instalación, que hoxe visitou a directora xeral de Mobilidade xunto ao alcalde, Dani Vega, e concelleir@s do equipo de goberno.
O rexedor contou que “hoxe visitounos a directora xeral de Mobilidade. E quixemos acudir á estación de autobuses para analizar todo o que se fixo ata o de agora. Na anterior lexislatura xa se investira por parte da Xunta de Galicia un orzamento para melloras de toda a estación de autobuses e agora o que quixemos tamén foi mellorar certos puntos que había que corrixir, tamén a sinalética e incorporáronse certas fotografías históricas da antiga Empresa Ribadeo”.
Vega dixo que “estas pequeniñas cousas que se fixeron ata o de agora, están ben, valorámolas, valoramos todo o que se fai, pero realmente a reunión hoxe era de importancia, porque vimos de solicitarlle á Xunta de Galicia toda a mellora do peche perimetral da estación de autobuses así como o adecentamento dos espazos verdes da entrada, esa entrada que está o carón mesmo da beirarrúa, que leva moitos anos abandonada, e consideramos que non se podía permitir nin ter nesa situación”.
O alcalde ribadense fixo unha valoración positiva do encontro desta mañá: “a reunión foi frutífera, vamos empezar a mirar orzamentos, a mirar as melloras que se poden facer, máis aló incluso das que solicitamos e pedimos, e polo tanto unha reunión que nos agradecemos á directora xeral que se desprazara a Ribadeo, ver in situ todas as reivindicacións, concretalas e agora empezaremos a traballar desde un punto de vista técnico entre os técnicos do Concello e tamén da Xunta de Galicia. E nesta liña é na que queremos seguir, é dicir xestionar, traballar e concretar melloras para Ribadeo”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
