Ameijide ve “necesario” este Plan xa que os concellos da provincia, en moitos casos contan con limitados recursos económicos e técnicos, enfróntanse a importantes dificultades para asumir en solitario os custos derivados da reparación dos danos ocasionados pola meteoroloxía xa que “estivemos ante unhas semanas extremadamente duras”
Lugo, 19 de febreiro de 2026. Ante os estragos derivados dos diferentes temporais que sufriu a provincia nos últimos meses, os deputados do Grupo Provincial Popular defenderán no vindeiro pleno que a Deputación de Lugo elabore e poña en marcha un Plan Provincial Extraordinario de Emerxencia e Cooperación cos Concellos para a recuperación de infraestruturas municipais afectadas polos recentes temporais.
O voceiro provincial popular, Antonio Ameijide, explica que “nos últimos meses todos os concellos da provincia sufriron as consecuencias dos diferentes temporais, polo que se fai preciso que a Deputación de Lugo colabora na recuperación das infraestruturas municipais afectadas”, algo para que o Grupo Provincial Popular pide que se habilite unha partida orzamentaria de polo menos 5M€, “que inclúa unha liña de axudas directas e urxentes para a reparación de infraestruturas danadas, a habilitación dun procedemento administrativo simplificado que garanta a axilidade na súa tramitación e a prestación de asistencia técnica provincial aos 67 concellos para a avaliación de danos e execución das actuacións necesarias”.
A realidade é que dende finais de decembro do pasado ano, a provincia de Lugo, ao igual que outras, vén sufrindo unha sucesión continuada de temporais caracterizados por fortes choivas, ventos intensos e episodios de inestabilidade meteorolóxica que tiveron un impacto significativo no territorio, fenómenos adversos que provocaron danos relevantes nas infraestruturas municipais, especialmente nas vías locais e camiños rurais.
Os concellos da provincia, en moitos casos con limitados recursos económicos e técnicos, enfróntanse a importantes dificultades para asumir en solitario os custos derivados da reparación dos danos ocasionados pola meteoroloxía. A conservación e mantemento das vías municipais resulta fundamental para garantir a seguridade viaria, evitar o illamento de núcleos rurais e asegurar a prestación de servizos públicos esenciais.
Cómpre recordar que a contía que destinará cada concello a través do ‘Programa de Investimentos’, no marco do Plan Deputación de Cooperación cos Concellos 2026 ao arranxo, reparación e mellora de vías públicas municipais e doutras infraestruturas, resulta insuficiente, na maioría dos casos, para levar a cabo as obras de emerxencia necesarias para restaurar a seguridade e funcionalidade destas infraestruturas.
“É necesario que a Deputación impulse e aprobe un Plan Provincial Extraordinario de Emerxencia específico que contemple a disposición de achegas económicas directas para todos os concellos, distribuídas en base a criterios obxectivos, públicos e transparentes, co fin de garantir unha distribución xusta e proporcional dos recursos públicos”, sinalou Ameijide.
Neste senso, o voceiro popular pide “apoio” para impulsar este Plan e que teña un procedemento áxil e simplificado para a solicitude e xustificación das axudas, co obxectivo de garantir a rápida execución das actuacións necesarias.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
