Embutidos Hermelino traballa con materia prima galega de alta calidade, con canais de porco é de porco celta
visita de la conselleira de medio rural a la fabrica de productos carnicos hermelindo en el poligono industrial de mondoñedo
Mondoñedo, 20 de febreiro de 2026. A conselleira do Medio Rural, María José Gómez, acompañada polo director da Axencia Galega da Calidade Alimentaria, Martín Alemparte; e polo delegado territorial da Xunta en Lugo, Javier Arias; visitou hoxe as novas instalacións de Embutidos Hermelino, no polígono industrial de Mondoñedo, onde puxo en valor proxectos coma os de esta empresa, que xeran valor engadido e promocionan as razas autóctonas.
Neste sentido, Gómez lembrou que a Consellería aposta neste 2026 de novo polas axudas de transformación e comercialización de produtos agrarios, cuxa convocatoria deste ano xa se publicou cun orzamento de 19 millóns de euros ata 2028 para accións que favorezan o desenvolvemento do tecido industrial do agro galego. Concretamente, explicou que estas achegas serven para financiar investimentos tanto para a construción e reforma de inmobles como para a compra de maquinaria e equipamentos novos ou programas informáticos, entre outros. Precisamente, esta nova instalación de Embutido Hermelino recibiu estes apoios.
A conselleira resumiu que nos últimos anos destináronse 195 millóns de euros para promover este tipo de iniciativas, especialmente naqueles vinculados ao sector lácteo e cárnico. Engadiu que, desde o Goberno galego, se seguirán apoiando aquelas accións que permitan dinamizar economicamente o rural, creando emprego e fixando poboación, ao mesmo tempo que se promocionan os produtos obtidos na nosa comunidade.
Aposta pola materia prima de calidade
Embutidos Hermelino é unha empresa familiar creada a finais dos anos 30 e na cal se segue apostando pola materia prima galega e de alta calidade. En concreto, traballan con canais de porco e de porco celta, así como no despece de vacún. Destaca especialmente a produción de 1.600 quilos de chourizo e de 3.000 quilos de pezas de salgadura que elaboran semanalmente.
Neste sentido, a conselleira salientou a súa aposta polas razas autóctonas, o que favorece a súa conservación. Ao mesmo tempo, comprometeu o impulso do Goberno autonómico á promoción do produto galego, especialmente daquel con calidade diferenciada.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
