Viveiro, 3 de marzo, 2026. O Grupo Municipal Socialista de Viveiro presentou varios rogos ao equipo de goberno relacionados co planeamento urbanístico, o estado das infraestruturas e o transporte de madeira polas pistas municipais.
Impacto do novo trazado da variante no Plan Xeral
O PSOE solicita a convocatoria dunha comisión especial do Plan Xeral para analizar as consecuencias do novo trazado da variante anunciado pola Xunta, que reduce o investimento previsto de 254 a 64 millóns de euros. O grupo lembra que o trazado anterior formaba parte da ordenación estrutural do Plan Xeral e que a modificación pode ter efectos técnicos e xurídicos no documento.
Afundimento e acumulación de sedimentos na Xunqueira
Os socialistas reclaman a reposición definitiva do pavimento no camiño de Fontecoba, fronte ao número 158, onde unha rotura de auga provocou un afundimento no verán pasado. Ademais, piden a retirada dos sedimentos acumulados polo río Fontecoba tras as últimas borrascas, como medida preventiva mentres non se executan as obras previstas pola riada de 2018.
Deterioro das pistas municipais polo transporte de madeira
O grupo socialista alerta do grave deterioro das pistas municipais debido ao paso de camións de madeira que superan amplamente a tonelaxe permitida. Reclaman que se faga cumprir a ordenanza municipal reguladora da saca de madeira, que se adopten medidas de control e que se esixa o arranxo das vías afectadas, especialmente nas zonas de Valcarría, Albo, Xuncal e As Seixas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
