Cervo, 5 de marzo, 2026. O BNG vén de solicitar no Concello de Cervo a totalidade do expediente relativo ao Acordo de adxudicación do contrato de concesión do Servizo Municipal de Residencia e Centro de Día. No pleno do pasado 24 de febreiro, o Partido Popular levou á aprobación a nova Ordenanza Reguladora da Prestación Patrimonial Pública non Tributaria deste servizo.
Un incremento do 44% que o BNG cualifica de “estafa amparada nunha licitación”
A residencia municipal, con 54 prazas de residencia e 25 de centro de día, funciona mediante un contrato de concesión. A nova licitación e o acordo de adxudicación fixeron saltar as alarmas entre as familias das persoas usuarias ao comprobar que a ordenanza presentada incluía unha suba das tarifas do 44%, pasando de 1.500 € a 2.100 € mensuais.
Desde o BNG consideran que esta suba é “unha estafa amparada nunha licitación”.
O BNG denuncia falta de transparencia e reclama información
O grupo nacionalista votou en contra da ordenanza e reclama toda a documentación do proceso.
“O proceso que está a levar o Concello coa nova adxudicación non ten nada de transparencia: non se informou nin aos grupos da oposición nin ás familias das persoas usuarias. Ademais, o acordo de adxudicación fíxose na Xunta de Goberno Local, un órgano no que só participa o goberno municipal”, explicou o concelleiro do BNG, David Villares.
Villares engadiu que “os primeiros que teñen que ter toda a información son os familiares das persoas usuarias, porque ata agora foron ignorados polo goberno do Partido Popular. Nós reunirémonos con eles para colaborar na procura dunha solución que evite que a suba recaia integramente nas economías familiares”.
Defensa dun sistema público de coidados accesible
O BNG insiste en que o seu obxectivo é garantir estándares de calidade e atención en todas as residencias de maiores, independentemente da súa titularidade, e asegurar o dereito a unha vellez digna cun sistema público de coidados forte e con prezos axeitados á realidade económica das familias.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
A actividade conta coa colaboración do Concello.
