Foz, 5 de marzo de 2026. O Concello de Foz conmemora o 8M con actividades que se desenvolverán os días 8, 9 e 11 de marzo.
A delegación de Muller e Igualdade do Concello de Foz conmemora o día 8 de marzo, Día Internacional das Mulleres, co lema Agora máis coeducación ca nunca, “apostando por unha convivencia en igualdade de todas as nenas e nenos, independentemente da súa identidade de sexo ou de xénero. Sendo necesario eliminar estereotipos ou calquera mecanismo discriminatorio nos centros educativos, para garantir un desenvolvemento integral e igualitario, fomentando a educación no sexista, o respecto e a prevención da violencia. A pretensión con esta transformación social é crear un cambio social, derivando nunha sociedade máis xusta e pacífica. É un día para a denuncia e a reivindicación por todo o que queda por facer, pero tamén para celebrar os avances acadados”, anuncia a concelleira de Muller e Igualdade, Ana Rojo, que engade: “unha maneira de visibilizar esta coeducación é o cartel que eliximos para presentar as actividades deste 8M no Concello de Foz: unha ilustración dun traballo de dúas alumnas do Colexio Martínez Otero de Foz (L.P.A. e L.M.R.), Unha vez que pos as lentes violetas non hai marcha atrás. Con este traballo defenden que por moito que estea arraigado o sexismo néganse a dar marcha atrás con determinación, para seguir na loita polos dereitos das mulleres baixo a mesma cor: a da igualdade!” .
Ana Rojo explica ademais que “o programa deste 8M en Foz comezará o día 8 de marzo, co acendido das luces de cor morado, representativas do Día Internacional da Muller, e a colocación do lazo da mesma cor, na fachada do Concello; a instalación diante da Casa Consistorial das bonecas violetas, Voces na rúa, un proxecto educativo que consiste en dar voz a todos os cidadáns para que colguen un tendal de propostas coas súas voces, opinións, melloras, etcétera, nun ambiente de cercanía onde os veciños sintan que forman parte dun problema de tod@s as vistan e poñan voz, en forma de papeis de cores. O luns 9 de marzo ás 18:30 horas haberá unha concentración diante á Praza do Concello e a lectura do manifesto institucional”.
Desde a delegación de Cultura, coma todos os anos, realízanse varias actividades, entre elas a biblioteca municipal Salgado Toimil súmase á celebración do Día Internacional da Muller cunha mostra bibliográfica de libros, que reúne obras destinadas a promover e concienciar a igualdade de dereitos, dende o respecto e a perspectiva de xénero. A mostra estará a disposición dos usuarios durante o mes de marzo.
E o día 11 de marzo ás 18.00 horas no salón de actos do Cenima terá lugar a proxección do documental Maruja Mallo, metade anxo, metade marisco e posteriormente charla coloquio da man do seu director, Antón Reixa, na que “poderemos coñecer mellor a artista a través do propio director, que abordará un completo percorrido pola vida e obra desta pintora galega, profundando no seu persoal mundo interior e artístico, á vez que vai deténdose en cada unha das etapas artísticas polas que transitou ó longo do século XX. Esta muller, que tivo un papel moi destacado na xeración do 27, mariñá, nada no concello de Viveiro, foi unha transgresora, feminista, adiantada ó seu tempo, á que se lle negou un lugar na historia da pintura española. Sempre coa vista posta no Día Internacional da Muller (8M) o próximo mércores, día 11 de marzo, a figura de Maruja Mallo será a protagonista no noso concello, xunto a todos os focegos, que queiran disfrutar da figura desta pintora surrealista, coñecida polo seu activismo social e a súa personalidade libre. Revisaremos o seu legado dende o exilio e o esquecemento por ser muller. A través do magnífico traballo de dirección dun polifacético artista galego, cineasta, músico, poeta e letrista, como é Antón Reixa. É un luxo poder achegarnos ó salón de actos do Cenima para empaparnos da biografía de Maruja Mallo a través de Antón Reixa”, remata a concelleira de Muller e Igualdade.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
