A Mariña, 11 de marzo, 2026. Queremos Galego – A Mariña lembra que, ao longo do proceso Lingua Vital, vén advertindo da situación de emerxencia lingüística que vive o galego. Esta situación, segundo a plataforma, é consecuencia directa da inacción —ou mesmo da acción contraria ao idioma— por parte da Xunta de Galicia. O goberno autonómico, afirman, incumpriu de maneira sistemática os acordos unánimes destinados a frear a minorización da lingua.
A enquisa publicada polo IGE en outubro pasado confirmou o que tanto as entidades sociais como a propia plataforma levaban anos denunciando: sen galego no ensino, nos medios de comunicación, na programación infantil e xuvenil, nos xoguetes, na administración, na xustiza ou no ámbito socioeconómico, o retroceso era inevitable.
Falta de medidas e recortes continuados
A resposta da Xunta ante esta situación, segundo Queremos Galego – A Mariña, foi insuficiente ou mesmo lesiva para o idioma. Nos orzamentos deste ano, os investimentos destinados á promoción e difusión do galego volveron reducirse. De feito, tanto en 2025 como en 2026, a Xunta destina menos da metade do que dedicaban os gobernos de Fraga hai 25 anos.
No relativo á Lei de Intelixencia Artificial, a plataforma denuncia que non se garante a presenza do galego nin na tecnoloxía producida pola Xunta nin na que esta poida adquirir. Tamén lembran que o PP votou reiteradamente en contra da aplicación da Carta Europea das Linguas Rexionais e Minorizadas e do PXNLG en sectores como a xustiza, as notarías, as xestorías ou a sanidade.
No ámbito dos medios públicos, a Lei que regula a CRTVG abriu a porta a que a TVG deixe de empregar o galego en parte da súa programación. Para a plataforma, isto é un síntoma máis dun desleixo continuado.
Oficialidade na UE e presenza internacional
Queremos Galego – A Mariña critica tamén que a Xunta rexeitase apoiar a oficialidade do galego na Unión Europea, e que o PP galego participase activamente na campaña de boicot a esta posibilidade. A plataforma lembra que a oficialidade non é só unha cuestión simbólica: permitiría garantir dereitos lingüísticos, reforzar o uso do galego no ámbito socioeconómico e poñer en valor os produtos galegos no mercado europeo.
Ademais, sinalan que, malia que a UNESCO abriu a porta a que Galiza, Euskadi e Cataluña poidan adherirse como membros, a Xunta renunciou a facelo e delegou a representación no Estado español.
Acto en Compostela: 14 de marzo
Fronte a esta situación, Queremos Galego —que leva meses desenvolvendo o proceso Lingua Vital Xa— celebrará un acto o sábado 14 de marzo, ás 12:00 h, na Praza da Quintana (Compostela). Neste evento presentaranse as conclusións do proceso de debate e recollida de achegas realizado por entidades sociais, persoas expertas e cidadanía.
A plataforma destaca que este acto será un punto de partida para que concellos, deputacións e a propia Xunta coñezan con claridade as medidas necesarias para reverter a emerxencia lingüística. O proceso, explican, foi amplo, plural e participativo, e parte da convicción de que a situación é reversíbel e de que o galego ten futuro.
Queremos Galego – A Mariña anima a toda a cidadanía da comarca a participar no acto en Compostela ou, no seu caso, a seguilo a través dos medios e das redes sociais.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
