O Ministerio de Cultura destinou 13.888,85 euros ás bibliotecas lucenses premiadas para apoiar programas de dinamización lectora
Barreiros, 11 de marzo de 2026. A subdelegada do Goberno en Lugo, Olimpia López, visitou hoxe o Concello de Barreiros acompañada pola alcaldesa, Ana Ermida, e pola tenente de alcaldesa, Carmen Veiga, para coñecer de primeira man o traballo da Biblioteca Pública Municipal tras ser distinguida cos Premios María Moliner, que concede o Ministerio de Cultura para recoñecer proxectos de animación á lectura en municipios de menos de 50.000 habitantes.
Durante a visita, a subdelegada destacou a importancia das bibliotecas públicas como “espazos de encontro, aprendizaxe e acceso á cultura, especialmente no ámbito rural”.
A biblioteca de Barreiros foi premiada polo proxecto “A maxia da lectura”, unha iniciativa que aposta por achegar a lectura a toda a veciñanza a través dunha ampla programación cultural e educativa, con actividades que se desenvolven tanto na propia biblioteca como en centros educativos, asociacións e diferentes parroquias do municipio. O proxecto incluíu obradoiros, contacontos, encontros literarios, programación teatral, clubs de lectura e iniciativas de extensión bibliotecaria co obxectivo de fomentar o hábito lector en todas as idades.
No marco da convocatoria correspondente ao ano 2025, o Ministerio de Cultura concedeu a Barreiros unha axuda de 2.777,77 euros para apoiar o desenvolvemento deste programa de dinamización cultural e lectora.
Na provincia de Lugo foron recoñecidos cinco concellos nesta edición: Barreiros, Antas de Ulla, Ribadeo, Sarria e Sober, que recibiron cada un deles a mesma contía económica. En total, o Goberno de España destinou 13.888,85 euros ás bibliotecas municipais lucenses premiadas nesta campaña.
A subdelegada puxo en valor o compromiso dos concellos coa promoción da lectura e co fortalecemento da rede de bibliotecas públicas, subliñando que estes proxectos contribúen a facer da cultura unha ferramenta de cohesión social e de acceso ao coñecemento para toda a cidadanía.
Finalmente, López felicitou ao equipo da biblioteca e ao Concello de Barreiros polo traballo desenvolvido e polo impacto que iniciativas como esta teñen na vida cultural e educativa do municipio.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
