Ortigueira, 13 de marzo de 2026. O Concello de Ortigueira mellora a súa xestión técnica coa contratación, efectiva desde este pasado mércores, dun novo arquitecto municipal. Esta incorporación enmárcase dentro dun programa estratéxico destinado aos servizos de estudo e actualización do urbanismo local, unha iniciativa que busca optimizar os procesos administrativos e garantir un desenvolvemento ordenado do territorio.
O novo profesional desempeñará as súas funcións durante un período inicial de nove meses, tempo no que centrará os seus esforzos na análise e no alivio da saturación do departamento. O obxectivo principal deste reforzo é dotar o Servizo de Urbanismo dunha maior capacidade de resposta ante as demandas veciñais e os proxectos de infraestrutura que o municipio ten en marcha, axilizando a tramitación de expedientes e modernizando as ferramentas de planificación.
Valentín Calvín, alcalde de Ortigueira, expresou a súa satisfacción por este reforzo técnico, sinalando que “la llegada de este profesional es una excelente noticia para el ayuntamiento porque permitirá desatascar procesos que son fundamentales para el crecimiento económico y social del municipio”. Calvín subliñou ademais que o urbanismo é o motor que define o futuro de Ortigueira e que, con esta actualización dos servizos de estudo, o goberno local busca ofrecer unha maior seguridade xurídica á cidadanía e facilitar a chegada de novas inversións que redunden no benestar de toda a comunidade.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
