Ribadeo, 18 de marzo de 2026. Acisa Ribadeo ten en marcha dúas campañas neste momento, a do día do pai que se desenvolve do 12 ao 25 de marzo, e os San Patrick’s Days do 13 ao 22 de marzo.
Desde Acisa a súa presidenta, Carmen Cruzado, anima “a mercar no comercio local para o día do pai, San Xosé, as Pepas. En Ribadeo atoparedes todo o que precisades para sorprender nesta data tan especial. Para premiar a vosa fidelidade imos sortear catro premios: dúas visitas guiadas a Bodegas Docampo, en Ribadavia, para dúas persoas con aloxamento dunha noite no seu Hotel Pazo Carballo, e dous almorzos en Mareta, en Ribadeo. As persoas que durante este período de tempo realicen as súas compras poderán cubrir as papeletas para entrar no sorteo, que será non presencial e que terá lugar o día 26 deste mes nas instalacións de Acisa, entre todas as rifas cubertas polos clientes que mercaran no comercio asociado entre o 12 e o 25 de marzo. Os gañadores, coma sempre, serán informados por teléfono do premio que lles correspondeu”.
Cruzado Iglesias agradeceu apoio das empresas colaboradoras: “grazas a Bodegas Docampo e a Mareta, que nos doan estes importantes premios para a campaña do día do pai de Acisa, que se poderán desfrutar segundo as condicións marcadas por cada establecemento”.
A campaña do día do pai, organizada por Acisa, conta coa colaboración da Xunta de Galicia, Comercio Galego, Bodegas Docampo e Mareta.
O xerente do colectivo empresarial ribadense, Jesús Pérez, subliña que “nada mellor para celebrar o día do pai que facelo na hostalaría ribadense aproveitando que mañá é día festivo e tamén os San Patrick’s Days, unha novidosa campaña que puxemos en marcha desde Acisa este ano. Iniciouse o día 13 e prolongarase ata o vindeiro domingo, 22 de marzo. A clientela que estes días saboree as cervexas especiais e as propostas gastronómicas que atoparán nos 10 locais participantes recibirán papeletas para participar no sorteo de tres ceas para dúas persoas. O sorteo, que será o día 23 deste mes, realizarase de forma non presencial mediante un programa de xeración de números aleatorios, e os premiados daranse a coñecer ese mesmo día a través das redes sociais de Acisa Ribadeo e dos medios de comunicación”.
E engadiu: “as ceas foron doadas por Kummel, San Miguel e La Solana, aos que desde Acisa agradecemos especialmente a súa colaboración nesta iniciativa. Os premios poderán reclamarse ata o 31 de marzo. Os San Patrick’s Days poden gozarse nos 10 establecementos participantes: Manhattan, Los Dulces de Delphine, La Solana, El Huerto, Kummel, O Furancho no Camiño, O Indiano, Mareta, A Horta de San Roque e Ribanzo”.
Acisa para esta campaña conta coa colaboración do Concello de Ribadeo, Kummel, San Miguel e La Solana.
Mañá, 19 de marzo, festivo autonómico en Galicia, o comercio local asociado estará pechado en Ribadeo, seguindo as recomendacións acordadas por Acisa na súa asemblea xeral deste ano co obxectivo de facilitar a conciliación laboral e familiar nesta especial data. Desde a directiva indican que “será unha boa xornada para gozar das terrazas, dos paseos tranquilos pola rúa e dos xantares en familia na hostalería local, que sorprenderá, coma sempre, coas súas propostas e coa calidade dos seus produtos do mar e da terra”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
