A institución provincial achega 3.000€ á proba, que contará con catro distancias e diferentes niveis-curta, media, longa e gravel- e as inscricións estarán abertas ata o 30 de marzo na web de CCNorte
Lugo, 23 de marzo de 2026. A Deputación de Lugo colabora un ano máis coa organización da Ruta BTT San Simón da Costa, unha proba deportiva que terá lugar o vindeiro 4 de abril e discorrerá polos concellos de Vilalba, Muras e Xermade. O Deputado de Promoción Económica e Social, Pablo Rivera, participou este luns no Salón de Actos do Concello de Vilalba na presentación da cita, xunto á Alcaldesa de Vilalba, Marta Rouco; o Alcalde de Xermade, Roberto García Pernas; o Alcalde de Muras, Manuel Requeixo; e o organizador da proba e presidente do Club Ciclista Terra Chá, José Carreira.
Na súa intervención, Pablo Rivera puxo en valor este tipo de iniciativas que combinan deporte, natureza e promoción do territorio, destacando que a Ruta BTT San Simón da Costa “é un claro exemplo para fomentar o deporte, dinamizar o territorio e promover un modelo de turismo sostible vinculado á natureza e á identidade da provincia”. Subliñou ademais a importancia deste tipo de eventos, “que contribúen a atraer visitantes, xerar actividade económica e promover hábitos saudables, ao tempo que permiten dar a coñecer os recursos naturais e patrimoniais da comarca”.
A institución provincial achega 3.000 euros para a organización desta proba, que contará con catro distancias adaptadas a distintos niveis de dificultade co obxectivo de favorecer unha ampla participación. A ruta curta terá 45 quilómetros e 700 metros de desnivel positivo; a media, 65 quilómetros e 1.700 metros de desnivel; a longa, 75 quilómetros e 2.000 metros de desnivel positivo; e a modalidade gravel, 70 quilómetros e 1.600 metros de desnivel positivo. As persoas interesadas en participar poderán inscribirse ata o vindeiro 30 de marzo a través da páxina web de CCNorte, na seguinte ligazón: https://ccnorte.com/evento/detalle/id/3224/x-ruta-btt-terra-cha-do-queixo-san-simon-da-costa#.
O Deputado de Promoción Económica e Social subliñou o feito de que os diferentes percorridos teñan saída desde a capital chairega, coincidindo coa celebración da feira do Queixo de San Simón da Costa. “Se hai algo que define esta terra, é a súa excelencia gastronómica, e o Queixo de San Simón da Costa, xunto co Capón de Vilalba, son dous dos seus grandes emblemas, que levan o nome de Vilalba con orgullo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
