O PP tamén alerta de que a liquidación recolle “87 reparos de intervención, loxicamente por mala praxe”, e subliña que o propio interventor municipal “está instando ao equipo de goberno a cumprir a lei de contratos, porque se incumpre reiteradamente”
Foz, 25 de marzo de 2026. O Partido Popular de Foz vén de analizar a liquidación do exercicio 2025 presentada polo goberno municipal, da que conclúe “a nula capacidade de xestión dos fondos públicos” por parte do executivo local.
O portavoz popular, Javier Castiñeira, sinala que “queda demostrada a nula capacidade de Cajoto para xestionar fondos públicos, advertindo ademais de que as contas “están totalmente dopadas, desvirtuadas, gracias ao millón e medio de euros que o BNG aprobou ao final do orzamento como suplemento”.
Segundo explica Castiñeira, “aínda así, despois dese balón de oxíxeno, a señora Couto non foi capaz de cumprir nin coa regra de estabilidade orzamentaria, que está en negativo en máis de 811.000 euros, nin tampouco coa regra de gasto, que tamén está en negativo en máis de 613.000 euros”.
O PP tamén alerta de que a liquidación recolle “87 reparos de intervención, loxicamente por mala praxe”, e subliña que o propio interventor municipal “está instando ao equipo de goberno a cumprir a lei de contratos, porque se incumpre reiteradamente”.
Neste sentido, os populares lembran que “se incumpre tamén un mandato do pleno e un compromiso do propio equipo de goberno recollido no plan económico aprobado” ao tempo que critican que “o Concello segue sen orzamentos, xa pasado o primeiro trimestre de 2026”.
Castiñeira é especialmente crítico coa tenente de alcalde, á que lle reprocha a súa actitude tras sete anos de goberno. “Este é o labor da señora Couta, que tanto critica os anteriores goberno sen darse conta de que ela é a que está gobernando e a que ten as responsabilidades”.
Finalmente, o portavoz popular conclúe cunha mensaxe directa á concelleira: “Señora Couto, dedíquese máis ás contas e menos aos contos”.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
