Burela, 28 de marzo, 2026. Vista Alegre viviu unha tarde especial coa visita do exburelista Anderson De Almeida Gomes, “Purão”, convidado polo club para revivir momentos inesquecibles da súa etapa laranxa. Antes do inicio do encontro, o xogador recibiu unha camiseta conmemorativa nun emotivo acto que puxo en pé á bancada.
Primeira parte: ocasións, intensidade e empate antes do descanso
O Burela comezou o partido cun ritmo moi alto e acumulando ocasións claras desde o minuto 2, con chegadas de Charly, Pitero e Izan que obrigaron a lucirse ao porteiro visitante, Nacho Serra. O Levante respondeu cunha transición perigosa de Benages no minuto 4.
O 0-1 chegou no minuto 9, nun disparo de Pedro Toro tras un saque de córner. O Burela tivo a oportunidade de empatar cun penalti no 12, pero Serra volveu aparecer. A insistencia laranxa tivo premio a un minuto do descanso, cando Pitero fixo o 1-1 cun disparo cruzado que tocou no porteiro.
Segunda parte: remontada, sufrimento e un final de infarto
A segunda metade non puido comezar mellor: Raid asinou o 2-1 no minuto 21 cun disparo afastado que sorprendeu ao gardameta.
O Burela seguiu xerando perigo, pero Serra continuou sendo decisivo para o Levante. No minuto 31, o conxunto visitante empatou nunha contra que culminou Rochina tras un primeiro intento de Coke.
Os laranxas non baixaron os brazos: Alberto estrelou un balón no pau e Raid rozou o gol nun disparo cruzado. O partido parecía encamiñarse ao empate, pero Vista Alegre aínda gardaba un último estoupido de emoción.
No último minuto, unha transición perfecta entre Alberto, Izan e Pitero estivo a piques de acabar en gol, pero Serra volveu aparecer. No saque posterior, o porteiro visitante cometeu penalti sobre Alberto. Pitero, con sangue fría, transformouno a 35 segundos do final para poñer o 3-2 definitivo.
O Levante tentou o empate con xogo de cinco, pero o Burela mantivo a orde defensiva e asegurou unha vitoria tan sufrida como celebrada.
Ficha Técnica Reyco Burela FS 3-2 Levante UD FS
Reyco Burela FS (3): Torero; Pitero (C), Charly, Raid, Izan, -quinteto inicial-, Alán, Jason, Alberto, Mauro, Nico, Lautaro (P)
Levante UD FS (2): Nacho Serra; Rochina, Benages, Alberto, Pedro Toro –quinteto inicial-, Julián, Paco Silla, Toni Modesto, Coke, Manu Rodrigo, Omar Molines.
Goles: 0-1, min. 9: Pedro Toro. 1-1, min. 19: Pitero. 2-1, min. 21: Raid. 2-2, min, 31: Rochina. 3-2, min. 40: Pitero (Pentalti)
Árbitros: Óscar Gómez // Rubén Garrido // Olivier Cardero // María López. Por parte do Reyco Burela viron tarxeta amarela Pitero (11′) e Alán (36’). Por parte do Levante UD, Pedro Toro (11′), Miguel Ángel Domingo Salinas (Delegado) (35′), Nacho Serra (39’), Miguel Ángel Domingo Salinas (39’) (doble amarilla), Carlos Márquez (39’) e Omar Molines (39′).
Incidencias: Partido correspondente á xornada 24 de Segunda División Masculina disputado no pavillón municipal Vista Alegre de Burela. Realizouse un acto previo ao partido onde se lle fixo entrega dunha camiseta oficial do club a Purão
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
