Cervo, 31 de marzo, 2026. O Concello de Cervo converterase no epicentro dunha proposta cultural de gran singularidade coa inauguración, este mércores 1 de abril ás 13:30 horas na Casa da Cultura de San Cibrao, da exposición Baleas a Flote: Arte en Madeira e Mar, de Francisco Martínez-Pin. O acto, aberto ao público, marcará o inicio dunha iniciativa que transcende o ámbito expositivo para se converter nunha auténtica viaxe pola historia, a arte e a defensa do medio mariño.
Baleas a Flote constitúe o punto de partida do proxecto Tornaviaxe polo Cantábrico, un percorrido simbólico polos antigos portos baleeiros que unirá Galicia co País Vasco francés, recuperando a memoria colectiva das vilas mariñeiras e poñendo en diálogo o pasado co presente a través da creación contemporánea.
A mostra reúne un destacado conxunto de pezas escultóricas elaboradas a partir de madeira e aceiro recuperados do medio natural, moitos deles procedentes do litoral galego. Esta forma de creación, baseada na reutilización e na reinterpretación de materiais marcados polo paso do tempo e pola acción do mar, sitúa o traballo de Martínez-Pin nunha clara dimensión ecolóxica e de compromiso co entorno.
Cada obra nace dun proceso de escoita e respecto pola materia, no que o artista actúa como mediador para que sexa o propio material quen conte a súa historia. O resultado son esculturas de gran forza simbólica que evocan a maxestosidade dos cetáceos e, ao mesmo tempo, denuncian a pegada da actividade humana nos ecosistemas mariños, especialmente a contaminación por residuos plásticos.
Entre as pezas máis salientables atópanse Leviatán Mariñá, Cachalote Verniano ou Cargueiro de eucalipto de batea, exemplos dunha proposta artística que combina estética, emoción e mensaxe social, convidando á reflexión sobre a necesidade urxente de protexer o noso patrimonio natural.
A dimensión pedagóxica e social do proxecto completarase o propio día da inauguración cun obradoiro creativo dirixido ás crianzas de Cervo, no marco do programa municipal Cervo Concilia. Esta actividade permitirá aos máis novos achegarse á arte a través do uso de materiais reciclados, fomentando valores como a creatividade, o respecto polo medio ambiente e a importancia da sustentabilidade desde idades temperás.
A alcaldesa de Cervo, Dolores García Caramés, puxo en valor a relevancia desta iniciativa, sinalando que “esta exposición sitúa a Cervo como punto de partida dun proxecto cultural de gran alcance, que combina arte, historia e unha mensaxe ambiental moi necesaria nos nosos días”.
Así mesmo, destacou que “o compromiso ecolóxico que transmite Baleas a Flote encaixa plenamente coa aposta do noso Concello pola sensibilización e a protección do entorno natural, ao tempo que achega unha proposta cultural innovadora e de calidade á nosa veciñanza”.
En relación co obradoiro infantil, subliñou que “é fundamental implicar ás novas xeracións neste tipo de iniciativas, que lles permiten aprender, crear e tomar conciencia da importancia de coidar o medio que nos rodea”.
A exposición poderá visitarse durante todo o mes na Casa da Cultura de San Cibrao, ofrecendo á veciñanza e ás persoas visitantes a oportunidade de achegarse con calma a unha proposta artística que invita á contemplación, á reflexión e á conexión co mar, e en consecuencia coa nosa historia. Dende o Concello de Cervo convídase á cidadanía a participar na inauguración e a descubrir unha mostra que converte a arte nunha ferramenta de sensibilización, memoria e compromiso co futuro do noso ecosistema mariño.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
