Viveiro, 31 de marzo, 2026. O BNG de Viveiro manifesta o seu rexeitamento á proposta do Partido Popular para implantar unha taxa de 120,72 euros pola celebración de matrimonios civís, ao considerala “desproporcionada e inxustificada”.
A portavoz municipal, Iria Cotelo, explica que a estimación de custos presentada polo goberno local “non se axusta á realidade”, xa que “os concelleiros e concelleiras non supoñemos ningún custo para o Concello; celebramos as vodas de maneira totalmente desinteresada e sen percibir retribución algunha”. Critican que o cálculo da taxa se basee no tempo dedicado á cerimonia tomando como referencia o soldo bruto da alcaldía.
O BNG cuestiona tamén outros conceptos incluídos na proposta, como os supostos gastos de conserxería e administrativos. Lembran que son os propios edís quen se encargan da apertura e peche das instalacións cando as vodas teñen lugar en fin de semana, mentres que o persoal administrativo tramita os expedientes dentro da súa xornada ordinaria.
O grupo nacionalista subliña que, aínda que os concellos poden establecer taxas por este servizo, non existe obriga legal de facelo e son poucos os municipios que aplican este cobro. Consideran que a recadación sería mínima para as arcas municipais, pero suporía un prexuízo económico para as parellas que optan polo matrimonio civil.
Por todo isto, o BNG propón eximir desta taxa, defendendo que o acceso ao matrimonio civil debe garantirse en condicións de igualdade e sen cargas económicas engadidas.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
