Viveiro, 7 de abril, 2026. A formación nacionalista explica que, na actualidade, na praza conviven prazas pintadas en amarelo —tradicionalmente reservadas de 07:30 a 15:30 horas— con prazas pintadas en azul correspondentes á zona ORA. Estas prazas amarelas están pensadas para dar servizo ao xulgado, cuxo garaxe permanece na práctica inutilizado ao estar a ser empregado como almacén.
Porén, hai unhas semanas instalouse unha nova sinalización vertical que indica como reservadas tamén as prazas contiguas, que continúan pintadas en azul e sen modificación da sinalización horizontal.
Segundo o BNG, esta contradición está a provocar que a veciñanza estacione nas prazas azuis por costume e faga uso normal do sistema ORA. A pesar de retirar o ticket correspondente, están a ser sancionadas con multas de ata 80 euros ao considerarse esas prazas como reservadas. Tamén se están rexistrando sancións nas prazas amarelas a partir das 15:00 horas por non dispoñer de ticket ORA, o que incrementa a confusión.
A portavoz municipal do BNG, Iria Cotelo, afirma que “estamos ante un caso evidente de falta de coordinación na sinalización, que está a prexudicar directamente á veciñanza”. Engade que “non é admisible que se manteñan marcas viarias que indican unha cousa mentres a sinalización vertical di outra distinta. Esta contradición só xera inseguridade e indefensión”.
Desde o BNG subliñan que non existe mala fe por parte da cidadanía, que está a actuar coa intención de cumprir a normativa e facer uso correcto do sistema ORA. A situación actual, pola contra, está a derivar en sancións a persoas que tentan estacionar de maneira correcta.
A formación recomenda extremar a precaución ao estacionar nesta zona e revisar con atención tanto a sinalización vertical como a horizontal para evitar posibles multas.
Finalmente, o BNG insta ao goberno municipal a actuar con urxencia para resolver esta problemática e adaptar a sinalización das prazas de aparcamento de maneira clara, coherente e comprensible. “Pedímoslle ao goberno municipal que garanta unha sinalización clara e que non dea lugar a erros nin a sancións inesperadas”, conclúe Cotelo.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
