A subdelegada do Goberno en Lugo presidiu a reunión con representantes municipais de Burela, Viveiro, Alfoz, Cervo, Foz, A Pontenova, Lourenzá, Barreiros e Trabada para avanzar na planificación do operativo
Burela, 7 de abril de 2026. A subdelegada do Goberno en Lugo, Olimpia López, presidiu esta mañá unha xunta de seguridade no salón da Compañía da Garda Civil de Burela coa participación de representantes dos concellos de Viveiro, Alfoz, Foz, A Pontenova, Lourenzá, Cervo, Barreiros, Trabada e Burela, co obxectivo de avanzar na coordinación das actuacións necesarias de cara á eclipse total de sol prevista para o vindeiro 12 de agosto de 2026.
Ao encontro asistiron tamén responsables das forzas e corpos de seguridade do Estado, así como doutros organismos implicados no operativo, co fin de reforzar a coordinación institucional necesaria para organizar os dispositivos de seguridade, mobilidade e emerxencias asociados a este fenómeno astronómico.
Durante a xuntanza, Olimpia López lembrou que “a provincia de Lugo será un dos territorios privilexiados para a observación da eclipse, especialmente na zona da Mariña, onde o fenómeno poderá observarse durante máis tempo e en condicións óptimas”. Neste sentido, subliñou que se prevé unha elevada afluencia de visitantes, polo que resulta fundamental anticipar a planificación e coordinar os recursos das distintas administracións.
“Estamos ante un acontecemento excepcional que require planificación, colaboración e coordinación para garantir a seguridade e que a cidadanía poida gozar desta experiencia en condicións axeitadas”, destacou a subdelegada.
Coordinación cos concellos
Un dos aspectos centrais abordados na reunión foi a necesidade de reforzar a coordinación cos concellos, como administracións máis próximas ao territorio e que mellor coñecen os espazos, accesos e posibles puntos de concentración de persoas.
Neste sentido, a Subdelegación do Goberno solicitou aos municipios a identificación de puntos de observación preferentes, que deberán contar con boas condicións de visibilidade e capacidade suficiente para acoller a afluencia prevista.
A definición destes espazos permitirá planificar con antelación os dispositivos de seguridade, regular o tráfico e reforzar os servizos de emerxencias nos lugares nos que se agarde unha maior concentración de persoas.
Dispositivo de seguridade e mobilidade
Durante a xunta tamén se abordaron as principais recomendacións de seguridade e mobilidade que deberán trasladarse á cidadanía. Entre elas, destaca a conveniencia de planificar os desprazamentos con antelación e evitar viaxar o mesmo día do evento, debido á previsión de alta intensidade de tráfico. Así mesmo, incidiuse na necesidade de extremar a precaución na condución, especialmente pola escuridade repentina que provocará o fenómeno.
Tamén se recomendou promover a descarga da aplicación AlertCops, que permite comunicar incidencias de maneira rápida ás forzas e corpos de seguridade.
Recomendacións para a observación
Durante a reunión lembráronse tamén as recomendacións básicas para a observación segura da eclipse. Neste senso, as autoridades insisten en que non se debe mirar directamente ao sol sen protección axeitada, sendo imprescindible o uso de lentes homologadas para evitar danos oculares.
Ademais, poderase consultar información oficial e actualizada sobre o fenómeno, horarios e recomendacións na web habilitada para o evento: www.trioeclipses.es.
A eclipse total de sol do 12 de agosto de 2026 será a primeira das tres eclipses que se poderán observar desde España nos próximos anos, coñecidas como o “Trío de Eclipses 2026-2027-2028”, e converterá Galicia, e especialmente a provincia de Lugo, nun dos principais puntos de observación deste fenómeno astronómico.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
