Ribadeo, 8 de abril, 2026. A Plataforma pola Defensa das Nosas Árbores fixo público o seu rexeitamento á decisión adoptada no Pleno Ordinario do Concello de Ribadeo do pasado 31 de marzo, no que se acordou a cesión á Xunta de Galicia dos terreos destinados á construción dun novo Centro de Saúde. As parcelas sitúanse fronte á estación de servizo de Repsol, a arredor dun quilómetro do actual centro, que quedaría pechado unha vez entre en funcionamento o novo edificio.
Segundo expón a plataforma, este traslado suporía un prexuízo para a veciñanza ao afastar o servizo sanitario do núcleo urbano, ao tempo que —segundo indican— non se aborda o problema principal: a falta de persoal médico e de enfermaría.
A entidade sinala que, segundo información publicada na prensa o día previo ao pleno, o Concello destinou arredor de 220.000 euros á adquisición das parcelas cedidas á Xunta. Critican que nin nas comunicacións municipais nin na sesión plenaria se detallase o custo final, o que interpretan como unha falta de transparencia. Engaden que a urbanización dos terreos colindantes suporá outros 300.000 euros, segundo datos da Consellería de Infraestruturas.
A plataforma lembra tamén que a zona na que se proxecta o novo centro presenta unha curva de ampla traza e visibilidade limitada, con elevada intensidade de tráfico nas horas de consulta, o que —segundo afirman— podería dificultar os accesos.
Así mesmo, recordan que o 26 de decembro de 2025 a Consellería de Sanidade e o Concello de Ribadeo asinaron un convenio para a construción do novo edificio, cun investimento anunciado de máis de cinco millóns de euros e a incorporación de novos servizos. A plataforma critica que non se fixase referencia ás vacantes de persoal sanitario que continúan sen cubrir.
A entidade resume que leva tres anos advertindo do que considera un “erro histórico”: afastar o Centro de Saúde do casco urbano e da vida social e comercial da maioría da poboación. Engaden que, á vista dos datos económicos coñecidos, interpretan que detrás do proxecto existe unha operación urbanística de máis de cinco millóns e medio de euros, que —segundo expoñen— non resolvería os problemas actuais de atención sanitaria.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
