Vialba, 8 de abril, 2026. O Concello de Vilalba celebrará este xoves, 9 de abril, un pleno extraordinario no salón de plenos da Casa do Concello, a partir das 9:00 horas, no que se tratarán asuntos de especial relevancia para a xestión municipal.
O punto principal da orde do día será a aprobación, se procede, da cuestión de confianza vinculada ao proxecto de orzamentos de 2026, despois de que o documento non obtivese apoio suficiente no pleno ordinario do pasado mes de marzo.
A alcaldesa, Marta Rouco, subliña que “os orzamentos son unha ferramenta fundamental para o funcionamento do Concello e para planificar a actividade municipal ao longo do ano”.
Engade que “a cuestión de confianza é un mecanismo previsto na normativa que permite continuar coa tramitación do proxecto orzamentario dentro do procedemento establecido”.
Se a cuestión de confianza prospera, o proxecto de orzamentos quedará aprobado inicialmente. No caso contrario, abrirase un prazo para que se poida presentar unha proposta alternativa de goberno, conforme á lexislación vixente.
A sesión incluirá tamén a aprobación da proposición de adxudicación do contrato de subministración de enerxía eléctrica para as dependencias e instalacións municipais, co obxectivo de garantir un servizo adecuado e estable.
Con esta convocatoria, o Concello de Vilalba continúa coa súa planificación administrativa e coa tramitación dos instrumentos necesarios para o funcionamento ordinario dos servizos municipais.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
