Viveiro, 8 de abril, 2026. O Grupo Municipal Socialista de Viveiro trasladou ao goberno local tres preocupacións urxentes relacionadas coa seguridade en espazos públicos, a transparencia en obras hidráulicas e o mantemento de zonas verdes.
1) Poste danado no campo das Douradas (Vieiro)
O grupo socialista alerta do risco que supón un poste de formigón danado no campo das Douradas, en Vieiro, presuntamente golpeado por un camión dunha orquestra durante as festas de San Ciprián. A base presenta danos e o poste permanece suxeito unicamente cun puntal de obra, soportando ademais parte do peche do recinto.
O PSOE solicita ao goberno municipal información sobre o expediente, se se reclamaron responsabilidades á empresa implicada, os prazos de reparación ou substitución e a adopción inmediata de medidas de seguridade.
2) Falta de transparencia nas obras contra inundacións no río Fontecova
O grupo lembra que a Xunta licitou en 2025 e adxudicou en marzo de 2026 as obras de redución do risco de inundación no río Fontecova, en Xunqueira, cun investimento superior a 770.000 euros, dentro dun convenio entre Augas de Galicia, Deputación e Concello.
O PSOE denuncia que o actual goberno municipal non informou nin á corporación nin á cidadanía sobre a empresa adxudicataria, o calendario de execución, o grao de cumprimento do convenio ou a achega económica municipal, que non aparece claramente recollida nos orzamentos de 2026. Consideran especialmente grave esta falta de información ao tratarse dunha zona con risco elevado de inundación.
3) Restos de poda acumulados no parque de Lavandeiras
O grupo socialista critica que, dous meses despois das podas realizadas no parque de Lavandeiras, os restos continúan acumulados en varios puntos, especialmente xunto á antiga fábrica de Alonso. Lembran que o goberno municipal xustificara a demora por estar á espera de reunir toda a poda, pero xa non se están realizando novos traballos.
Advirten de que esta situación afecta á imaxe do parque e pode supoñer riscos para as persoas usuarias. Solicitan explicacións pola demora, unha data de retirada e se existe intención de empregar estes restos para as lumieiras de San Xoán.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
