Viveiro, 10 de abril, 2026. O Grupo Municipal Socialista de Viveiro presentou hoxe unha moción na que propón conceder a Medalla de Ouro do Concello á Semana Santa de Viveiro, nun recoñecemento que se fai extensivo ao conxunto da cidadanía polo seu papel esencial na conservación e grandeza desta celebración.
Desde o grupo socialista sinalan que a recente edición da Semana Santa volveu evidenciar a súa dimensión excepcional, tanto pola elevada participación como pola importante afluencia de visitantes, consolidándose como un dos principais referentes culturais, relixiosos e turísticos da vila.
A moción destaca que a verdadeira forza da Semana Santa de Viveiro reside no seu carácter profundamente popular e comunitario. Subliñan que esta celebración non se entende sen o compromiso de xeracións enteiras de veciños e veciñas, que manteñen viva a tradición a través da súa participación nas procesións, da colaboración organizativa ou da pertenza ás bandas de música.
O texto tamén pon en valor o labor das cofradías —coordinadas pola Xunta de Cofradías—, das bandas, das persoas voluntarias e colaboradoras, así como da veciñanza en xeral, facendo especial fincapé no relevo xeracional que garante a continuidade desta tradición centenaria.
O Grupo Municipal Socialista considera que é o momento de que o Concello realice un recoñecemento institucional á altura do que representa a Semana Santa de Viveiro, non só como evento, senón como expresión viva da identidade, da historia e do compromiso colectivo da vila.
A proposta recolle que a Medalla de Ouro se conceda á Semana Santa de Viveiro con carácter simbólico e colectivo, facéndoa extensiva ao pobo viveirense, representado na Xunta de Cofradías, nas cofradías, nas bandas de música e en todas as persoas que, de maneira altruísta, contribúen ano tras ano ao seu éxito.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
