A iniciativa combina xogo e aprendizaxe para fomentar valores de inclusión, respecto e convivencia dende idades temperás
Burela, 10 de abril de 2026. O Concello de Burela, a través da súa área de Inmigración, desenvolveu estes días a actividade “Oca Inmigrante” nos centros de educación primaria CEIP Os Castros e CEIP Vista Alegre, no marco da programación de accións dirixidas á loita contra a discriminación racial.
A iniciativa, dirixida ao alumnado máis novo, combinou o xogo coa aprendizaxe para achegar aos nenos e nenas a realidade das migracións, así como as diferentes situacións de desigualdade e inxustiza ás que se enfrontan as persoas migrantes. A través desta dinámica participativa, o alumnado puido reflexionar e comprender, dun xeito adaptado á súa idade, conceptos clave relacionados coa diversidade, o respecto e a convivencia.
Dende o concello destacan a boa acollida da actividade e o alto nivel de implicación do alumnado: “Aledámonos moito vendo aos máis pequenos e pequenas tan contentos e participativos no xogo e, ao mesmo tempo, comprobando como reciben e analizan a información que se lles transmite sobre esta temática. Trátase de que, dende moi pequenos, poidamos construír con eles unha sociedade máis inclusiva, respectuosa e aberta”.
Esta actividade enmárcase dentro das accións de mediación social e/ou intercultural incluídas no programa dirixido á inclusión social da poboación inmigrante. O programa está financiado pola Consellería de Política Social e Igualdade da Xunta de Galicia e cofinanciado pola Unión Europea no marco do Programa FSE+ Galicia 2021-2027.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
