Pola súa banda, o alcalde de Ribadeo lembrou que esta demanda xa foi trasladada en varias ocasións sen obter resposta: “xa se solicitou ata en catro ocasións e, de momento, non hai ningunha contestación, polo que agora recorremos ao Senado para obter explicacións”
Ribadeo, 11 de abril de 2026. Os senadores do Partido Popular pola provincia de Lugo, José Manuel Barreiro, José Manuel Balseiro e Juan Serrano, veñen de rexistrar unha iniciativa no Senado para esixir explicacións ao Goberno central polo apagado da iluminación na variante e no acceso ao polígono industrial de Ribadeo.
A iniciativa xorde a petición do alcalde ribadense e do equipo de goberno municipal, ante a preocupación polos problemas de seguridade que xera a falta de iluminación nestas infraestruturas clave.
O senador José Manuel Balseiro explicou que “vimos de rexistrar unha iniciativa no Senado de España preguntando cal é o motivo de que as luces tanto da variante como do acceso ao polígono de Ribadeo se encontren apagadas, porque pensamos que cando as puxeron non foi para telas apagadas”.
Neste sentido, Balseiro criticou a falta de coherencia nas respostas do Executivo central: “esperemos que non nos contesten como xa fixeron noutra ocasión, nesa ocasión sobre infraestruturas no Concello de Barreiros, dicindo que para acender as luces ten que haber previamente sinistralidade. Entendemos xusto o contrario: as luces están para previr a sinistralidade, non para actuar despois de que se produza”.
O senador popular agarda que, unha vez recibida a resposta do Goberno, “o normal será que, se as luces están instaladas, se poñan a funcionar como corresponde”.
Pola súa banda, o alcalde de Ribadeo, Dani Vega, agradeceu a implicación dos senadores populares e reclamou unha solución inmediata: “pedímoslle ao Goberno central que actúe dunha vez por todas na iluminación do acceso ao polígono e tamén da variante. Estamos a falar dun problema de seguridade”.
O rexedor lembrou que esta demanda xa foi trasladada en varias ocasión sen obter resposta: “xa se solicitou ata en catro ocasións e, de momento, non hai ningunha contestación, polo que agora recorremos ao Senado para obter explicacións”.
Ademais, Vega incidiu noutras reivindicacións pendentes en materia de infraestruturas, como a necesidade dun segundo acceso á A-8 en Ribadeo e a conexión coa rede viairia provincial: “son accesos moi importantes que se levan reivindicando historicamente e xa non podemos agardar máis”.
Finalmente, o alcalde subliñou que o Concello continuará esixindo ao Estado que cumpra cos compromisos adquiridos: “cando se fan as cousas ben tamén o dicimos, pero imos seguir reivindicando de forma constante para que o Estado cumpra dunha vez por todas con Ribadeo”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
