Burela, 11 de abril, 2026. O encontro entre Melilla e Burela comezou cun ritmo moi alto e ocasións desde o primeiro minuto. O conxunto local avisou primeiro cun disparo que non atopou portería, e pouco despois chegou a resposta do Burela. No minuto 2, Irene Samper abriu o marcador tras recibir de Amandinha e definir cun xiro dentro da área.
Ana Eliza realizou a primeira gran intervención no minuto 4, desviando co pé un tiro raso de Emilly. No mesmo minuto, Silvia Rubal probou sorte, pero Bía da Silva volveu aparecer para evitar o segundo. No 6, Irene recuperou en campo rival e a capitá do Burela executou un disparo escorado que tamén despexou a gardameta local.
A ocasión máis clara chegou nun roubo de Irene moi preto da área rival: deixoulle o balón a Sandra, que tocou o esférico pero non conseguiu dirixilo entre os paus. No minuto 9, Ana Eliza volveu salvar ao Burela cunha parada dobre ante Bía Souza, primeiro co pé e logo atrapando o balón coas mans.
O Burela mantivo un bo ritmo ante un rival moi potente. Lara tivo unha chegada perigosa tras roubo en media pista, pero a porteira local detivo o disparo. No 13, Ana Eliza evitou o segundo das melillenses cunha parada espectacular, e segundos despois volveu despexar un tiro escorado de Emilly.
No 16, a gardameta brasileira enviou a córner un disparo de Silvina e, pouco despois, outro tiro perfecto de Emilly. No 17, Lari sacou coa cabeza unha chilena de Nega, e Ana Eliza realizou unha tripla parada no 18 ante varios intentos consecutivos do Melilla. A gardameta do Burela volveu aparecer a un minuto do descanso ante Ana Luiza e Amandinha, e de novo a 25 segundos do intermedio desviando outro disparo de Ana Luiza.
Cando todo apuntaba ao 1-0 ao descanso, apareceu Cris Blanco: a xogadora burelense marcou un auténtico golazo a falta de 10 segundos, cun disparo imposible ao segundo pau tras un saque de córner, establecendo o 1-1.
Segunda parte: o Melilla impón o seu ritmo
O Melilla saíu moi forte tras o descanso, acumulando ocasións nos primeiros minutos. No 24 chegou o 2-1, nunha acción desafortunada na que Sandra desviou á propia portería un disparo de Amandinha.
A capitá do Burela estivo preto de empatar nun lanzamento de falta que saíu rozando o pau. Pero o Melilla ampliou a vantaxe con dous goles consecutivos: o 3-1, obra de Irene Samper culminando un contraataque tras pase de Ana Eliza, e o 4-1, de Nega cun xiro e disparo frontal na área.
No 28, Bía Souza enviou ao pau un penalti a favor das locais, pero no 29 chegou o 5-1, un remate de Nega case baixo paus tras pase de Ana Luiza.
O Burela buscou reaccionar con xogo de cinco, alternando a Irene e Lara como porteiras-xogadoras. Ana Eliza evitou o gol de Belén Feal cunha parada espectacular no 29, e o Melilla seguiu defendendo con solvencia ante a presión visitante.
O 6-1 chegou nunha nova combinación entre Emilly e Nega, que rematou á rede de forma similar ao quinto tanto. Xa no último minuto, Sydorenko roubou e disparou, pero a gardameta local atrapou o balón. No último segundo, Lara fixo o 6-2 rematando un pase de Silvia Rubal, pechando o marcador.
Ficha Técnica Melilla Ciudad del Deporte Torreblanca 6-2 Reyco Burela FS
Torreblanca Melilla (6): Bía da Silva; Laura Uña, Amandinha, Irene Samper, Emilly –quinteto inicial-, Nega, Silvina, Bía Souza, Lydia, Ana Luiza.
Reyco Burela FS (2): Ana Eliza; Cris Blanco, Sandra, Lara, Irene -quinteto inicial-, Silvia Rubal (C), Sydorenko, Gabi, Macarena, Lari.
Goles: 1-0, min. 1: Irene Samper. 1-1, min. 20: Cris Blanco. 2-1, min. 24: Sandra (PP). 3-1, min. 26: Irene Samper. 4-1, min. 27: Nega. 5-1, min. 28: Nega. 6-1, min. 37: Nega. 6-2, min. 40: Lara.
Árbitros: David Pizarro // Francisco Jesús Comba // Amin El Ouariachi. Por parte do Melilla veu a tarxeta amarela Emilly (26’), por parte do Reyco Burela, Sydorenko (28’).
Incidencias: Partido correspondente á xornada 24 de 1ª División Iberdrola FS disputado no pavillón Javier Imbroda Ortiz de Melilla.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
