Viveiro, 18 de abril, 2026. O BNG de Viveiro denuncia o comportamento sectario do goberno local do Partido Popular con motivo da visita institucional da conselleira de Medio Ambiente e Cambio Climático, na que se presentou o inicio das obras destinadas a reducir o risco de inundación en Xunqueira e a mellorar a contorna do río Fontecova.
Tras comprobar nas imaxes publicadas nas canles da conselleira que á presentación asistiron militantes do Partido Popular, a portavoz do BNG, Iria Cotelo, critica que este acto “fose capitalizado polo goberno local, usándoo como unha ferramenta ao servizo do Partido Popular”.
Malia que o proxecto está financiado a tres bandas con fondos europeos a través da Xunta de Galicia, a Deputación de Lugo e o propio Concello de Viveiro, o goberno local non avisou da presentación ás demais forzas políticas. “É inaceptable que o goberno local chamara á súa militancia e excluíra aos cargos públicos do concello e doutras institucións como a Deputación”, sinala Cotelo.
Neste sentido, indica que o BNG, como grupo municipal que forma parte da corporación do Concello de Viveiro e que tamén contribúe ao financiamento da actuación, non foi informado da visita. Segundo denuncia, trátase dunha práctica que “se está volvendo habitual”. Lembra, ademais, que esta mesma situación xa se produciu recentemente coas visitas da conselleira de Política Social e da conselleira de Pesca, nas que tampouco recibiron comunicación previa.
Cotelo afirma que “estamos ante unha actitude reiterada de falta de respecto institucional. O goberno municipal está a converter actos que son de todas e todos nun escaparate partidista, priorizando os intereses do Partido Popular por riba do respecto democrático”.
A portavoz nacionalista engade que “é inaceptable que se nos exclúa sistematicamente deste tipo de visitas oficiais, o que evidencia unha forma de gobernar baseada no sectarismo e na apropiación das institucións públicas”.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
