A iniciativa, cofinanciada polo FSE+ Galicia 2021-2027 e a Xunta de Galicia, ofrece prácticas remuneradas en empresas locais
Viveiro, 18 de abril de 2026. O Concello de Viveiro vén de abrir a convocatoria do programa de inserción laboral «Fórmate na Empresa», dirixido a mozos e mozas de entre 18 e 30 anos empadroados en Galicia que busquen a súa primeira experiencia profesional ou desexen mellorar o seu perfil nalgún sector estratéxico. Para participar nel, é necesario contar cunha antigüidade mínima dun ano no padrón e estar inscrito no Sistema Nacional de Garantía Xuvenil no ámbito da comunidade autónoma. A inscrición pode realizarse na Oficina Municipal de Información Xuvenil, situada no primeiro andar da Casa do Concello.
O programa, cofinanciado polo FSE+ Galicia 2021-2027 e a Consellería de Cultura, Lingua e Xuventude, ofrece prácticas en empresas de tres meses de duración, con data límite de finalización o 31 de outubro de 2026, e unha axuda económica mensual de 690,66 euros. Ademais da experiencia profesional cun titor na empresa, os participantes recibirán un plan formativo complementario de 20 horas en habilidades clave para o emprego, co obxectivo de facilitar a súa inserción laboral.
A iniciativa está aberta tamén á participación de empresas do Concello de Viveiro e da contorna mediante a sinatura dun convenio gratuíto, especialmente nos sectores da aeronáutica, agro alimentación, biotecnoloxía, automoción, enerxías renovables, madeira-forestal, metal mecánico, naval, pedra natural, téxtil moda, tecnoloxías da información e da comunicación e calidade de vida e benestar. As empresas interesadas poden contactar a través do correo electrónico informacion.xuvenil@viveiro.gal.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
