A organización denuncia unha caída de 186 millóns nas rendas do vacún de leite e advirte dun risco real para a viabilidade das explotacións galegas
Santiago de Compostela, 21 de abril de 2026. UCIN Galicia, a través do seu coordinador José Luis Calo, expresa o seu apoio ao sector gandeiro galego tras coñecerse novas estimacións que apuntan a unha perda superior aos 186 millóns de euros nos ingresos das explotacións de vacún de leite da comunidade.
Segundo datos trasladados por organizacións agrarias, a rebaixa media de 8 céntimos por litro nos novos contratos lácteos supón un impacto económico moi severo. Nunha explotación tipo, esta caída pode traducirse en perdas anuais próximas aos 27.000 euros. A situación agrávase polo forte incremento dos custos de produción, especialmente en gasóleo, fertilizantes e servizos agrarios.
UCIN Galicia denuncia que esta combinación de baixada de prezos e subida de custos “está a afogar literalmente ás explotacións familiares”, situando a Galicia nunha clara desvantaxe competitiva respecto doutras comunidades. En comparación con Asturias, por exemplo, existen diferenzas de ata un 24% no prezo do leite.
José Luis Calo afirma que “non se pode permitir que un sector estratéxico para Galicia, que fixa poboación no rural e xera miles de empregos directos e indirectos, sexa tratado como unha variable de axuste polas industrias lácteas”. Para o coordinador, a situación é “límite” e require unha resposta “inmediata e contundente” por parte das administracións.
A formación tamén manifesta a súa preocupación pola entrada masiva de leite de Francia e Portugal a prezos moi baixos, o que estaría a distorsionar o mercado e presionando á baixa os prezos percibidos polos produtores galegos.
Calo advirte de que, se se confirma a existencia de prácticas de concertación de prezos ou comportamentos propios dun cártel, “estaríamos ante feitos moi graves que deben ser investigados e sancionados con toda a contundencia da lei”.
UCIN Galicia reclama á Xunta de Galicia, ao Ministerio de Agricultura e aos organismos reguladores que actúen con urxencia para garantir o cumprimento da Lei da Cadea Alimentaria e evitar abusos que poñan en risco a supervivencia do sector.
Finalmente, a organización fai un chamamento á cidadanía para apoiar o consumo de leite e produtos lácteos de orixe galega. “Detrás de cada litro de leite hai familias, emprego e futuro para o noso rural. Defender o sector lácteo é defender Galicia”, conclúe Calo.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
