O convenio, por importe de 3.000 euros, pon en valor o traballo da entidade e reforza o apoio municipal ao deporte local
Cervo, 21 de abril do 2026. A alcaldesa, Dolores García Caramés, e o presidente da Escola de Artes Marciais de Cervo, Miguel Ángel Rojo, mantiveron este mediodía un encontro de traballo no que abordaron diferentes temas, como o desenvolvemento das diferentes actividades que a entidade ten previstas para os vindeiros meses, así como as necesidades e as liñas de colaboración de cara á consolidación desta disciplina deportiva no municipio. Ademais, tamén se aproveitou o transcurso desta reunión para formalizar un convenio de colaboración, entre o Concello e a Escola por importe de 3.000 euros para este ano 2026.
A rexedora puxo en valor o traballo que realiza a entidade, destacando que “a Escola de Artes Marciais desenvolve unha labor extraordinaria, formando deportistas baseándose en valores como o esforzo, a disciplina e o respecto, situando a Cervo no epicentro das artes marciais, con cada evento que promoven no noso municipio”.
García Caramés subliñou ademais que este apoio económico forma parte dunha liña estable de colaboración do Concello co conxunto do tecido deportivo local: “Esta é unha partida que chega a todas as entidades e clubs do concello, porque entendemos o deporte como un piar fundamental pola súa importancia social, educativa e de saúde”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
