Barreiros, 27 de abril, 2026. A Mancomunidade de Concellos da Mariña Lucense presentou en Barreiros o Receitario básico da cociña tradicional da Mariña, unha publicación que recolle elaboracións culinarias vinculadas ao territorio e que busca recuperar, documentar e difundir o patrimonio gastronómico mariñán.
O acto contou coa participación da alcaldesa de Barreiros, Ana Ermida; a presidenta da Mancomunidade, Rocío López; a presidenta da Deputación de Lugo e alcaldesa de Burela, Carmela López; a xefa da Área Provincial de Turismo da Xunta en Lugo, Paloma Vázquez, representantes de Turismo Slow Norte de Galicia e do Colectivo de Gastronomía da Mariña, así como outras autoridades.
A publicación, promovida pola Mancomunidade no marco do proxecto Turismo Slow Norte de Galicia e elaborada en colaboración co Colectivo de Gastronomía da Mariña, reúne receitas tradicionais e pratos de cociñeiros e cociñeiras de referencia do xeodestino.
Entre eles destacan:
-Mar Orosa (Restaurante El Oviedo): bonito en escabeche, freixós con grelos, caldeirada de raia, patacas con longueirolos.
-Alejandro Balseiro (Restaurante Nito): salpicón de lumbrigante, rolo de bonito, guiso de luras na súa tinta.
-Javier Montero (Restaurante Javier Montero): cazola de pescada, fabas con ameixas.
-Felisa Varela (Hotel Restaurante Rías Altas): enfariñada con torreznos, rosquillas de entroido.
-Isaac Varela (Taberna Galiana): empanada de verza e coello estilo Mondoñedo, bola de roxóns, bica de Mondoñedo.
-Cristina Rodríguez (Marmeladas A Morena): compota de peras.
Ademais, inclúese a tradicional torta de Mondoñedo
O obxectivo é poñer en valor as materias primas locais, reforzar a identidade gastronómica da Mariña e impulsar un modelo turístico sostible baseado na autenticidade e na cultura propia.
O receitario inclúe elaboracións como bonito en escabeche, salpicón de lumbrigan
te, caldeirada de raia, fabas con ameixas, empanada de verza e coello estilo Mondoñedo, bica de Mondoñedo ou rosquillas de entroido, entre outras.
Editáronse 400 exemplares, que se distribuirán entre os aloxamentos de Turismo Slow, membros do Colectivo de Gastronomía, establecementos distinguidos co SICTED, o IES de Foz e os concellos da Mancomunidade, ademais de estar dispoñible en formato dixital na web amarinalucense.gal.
As representantes institucionais destacaron a importancia de preservar e transmitir o saber facer culinario da Mariña, así como a colaboración entre administracións e sector gastronómico para fortalecer un recurso cultural e turístico de primeiro nivel.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
