Trabada, 30 de abril de 2026. A promoción da VII Festa da Enfariñada de Trabada dará continuidade este ano coa súa presenza na Festa da Filloa de Muimenta, que se celebrará o vindeiro 1 de maio. O Concello de Trabada reafirma así a súa aposta por esta iniciativa para difundir un dos pratos máis tradicionais da Mariña lucense e convidar a veciños e visitantes a participar na celebración gastronómica prevista para o 3 de maio.
Durante a xornada en Muimenta, os asistentes poderán achegarse á historia e ao sabor da enfariñada, elaborada con ingredientes sinxelos pero cunha fonda carga identitaria. Ademais, repartirase material divulgativo co obxectivo de animar ao público a desprazarse ata Trabada e vivir a festa en primeira persoa.
A Festa da Enfariñada, que nesta edición se celebrará a partir das 12:00 horas na explanada situada fronte ao parque da rúa San Roque, ofrecerá degustacións tanto na súa versión tradicional como sen glute, así como racións de xamón cocido e chourizo e repetirán as fiolleiras de Muimenta. Tamén como novidade este ano haberá enfariñada con bonito de Burela. A programación completarase cun mercado de produtos locais e actuacións musicais.
O alcalde de Trabada, Rubén García, destacou a importancia de continuar participando neste tipo de eventos: “Volver á Festa da Filloa de Muimenta permítenos seguir dando visibilidade á nosa gastronomía e convidar a todo o mundo a descubrir a Festa da Enfariñada nun ambiente festivo e acolledor”.
O Concello de Trabada anima a toda a veciñanza e visitantes a reservar a data e achegarse o 3 de maio para gozar dunha xornada que combina tradición, sabor e cultura, consolidando a Festa da Enfariñada como unha cita destacada no calendario gastronómico da provincia e co desexo de que continúe crecendo e sumando apoio en cada edición.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
