Castiñeira deixou claro que o seu grupo “está a favor de que as empresas cobren e cobren canto antes, pero a calquera conta”. Segundo advertiu, aprobar agora esas facturas con cargo ao orzamento prorrogado podería provocar problemas aínda maiores nos próximos meses. “Se se esgotan agora as partidas do prorrogado con facturas do ano pasado, volverá a pasar o mesmo e as empresas que facturen no segundo semestre non terán partida e non van a cobrar”, explicou
Foz, 8 de maio de 2026. O Partido Popular de Foz, co apoio do BNG, obrigou no último pleno ao alcalde, a retirar o recoñecemento extraxudicial de crédito por valor de 466.000 euros correspondente a facturas do ano pasado que o goberno municipal pretendía imputar ao orzamento prorrogado.
O portavoz popular, Javier Castiñeira, explicou que o expediente presentado polo executivo local chegou ao pleno “con diferentes reparos de intervención e co informe negativo dos técnicos”, polo que considera que “non é lóxico imputar eses 466.000 euros aos orzamentos prorrogados do ano 2024, porque no ano 2025 o señor Cajoto tampouco trouxo novos orzamentos”.
Castiñeira lembrou ademais que existe un plan económico.financeiro municipal que xa recolle a necesidade de aprobar unhas novas contas para evitar repetir a situación actual. “O propio plan económico-financeiro está dicindo que ten que aprobar os orzamentos do ano 2026 para non reiterar o que pasou no 2025”, sinalou.
Desde o PP defenden que esas facturas deben incorporarse ás partidas correspondentes dentro dun novo orzamento municipal. “O que lle dicimos o Partido Popular e o BNG é que traia os orzamentos e que impute eses 466.000 euros nas diferentes partidas para ter xa unha referencia real do gasto para o ano 2026, como fan todos os concellos”, afirmou o portavoz popular.
O líder popular tamén respondeu ás acusacións do alcalde e rexeitou calquera intento de presión política. “O señor Cajoto, como fixo sempre, intentou chantaxearnos co argumento de que as empresas deben cobrar”, asegurou Castiñeira.
Neste sentido, o portavoz do PP deixou claro que o seu grupo “está a favor de que as empresas cobren e cobren canto antes, pero non a calquera conta”. Segundo advertiu, aprobar agora esas facturas con cargo ao orzamento prorrogado podería provocar problemas aínda maiores nos próximos meses. “Se se esgotan agora as partidas do prorrogado con facturas do ano pasado, volverá a pasar o mesmo e as empresas que facturen no segundo semestre non terán partida e non van a cobrar”, explicou.
Por iso, o Partido Popular considera que a única solución responsable é que o alcalde presente de inmediato os orzamentos municipais do 2026. “Entendemos que esta labor de fiscalización é a que ten que facer un partido na oposición, como está facendo o Partido Popular con criterio e sen ceder ás prexudiciais chantaxes do equipo de goberno”, concluíu Javier Castiñeira.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
