Burela, xoves 14 de maio 2026. O deputado mariñao Daniel Castro e o tenente de alcaldesa e concelleiro de Educación de Burela, Mario Pillado, mantiveron hoxe unha reunión coa comunidade educativa do CEIP Vista Alegre, representada pola presidenta da ANPA, Sara Calvo, e polo director do centro, José Manuel Díaz Cabado. O encontro serviu para analizar a situación de deterioro que denuncia o profesorado, as familias e o alumnado, que nos últimos días protagonizaron mobilizacións reclamando solucións inmediatas por parte da Xunta.
Rehabilitación integral e inclusión nos plans de investimento
O BNG fixo súas as reivindicacións do centro e Daniel Castro comprometeuse a trasladalas ao Parlamento. Entre as demandas destacan:
– Falta de accesibilidade, incluíndo a instalación dun ascensor que a Xunta leva anos ignorando.
– Eliminación de barreiras arquitectónicas.
– Melloras de eficiencia enerxética.
-Avaliación técnica completa do edificio, construído nos anos 80 e con materiais xa deteriorados.
– Solución ás humidades presentes en muros e teitos.
– Cuberta para o patio exterior, outra das peticións da comunidade educativa.
Castro insistiu en que o centro “precisa unha rehabilitación integral” e anunciou que solicitará a inclusión urxente do CEIP Vista Alegre nos plans de investimento da Xunta.
Dúas décadas sen resposta e máis centros afectados
Pola súa banda, Mario Pillado lembrou que leva case dous anos agardando por unha reunión coa Dirección Provincial de Educación, sen obter resposta. Agora vén de solicitar unha cita coa Dirección Xeral de Centros e Recursos Humanos.
O concelleiro advertiu tamén de que outros centros educativos de Burela presentan problemas semellantes, unha situación que o BNG xa trasladou ao Parlamento. “A Xunta anuncia grandes investimentos para a provincia e para a comarca, pero a Burela nunca chegan”, concluíu.
Os Bombeiros de Vilalba excarceraron ao condutor ferido que quedou atrapado no interior do vehículo. O 112 Galicia tivo constancia do accidente ás 16:20 horas desta tarde. Un particular informaba a esa hora dun coche envorcado na LU-P 6501, quilómetro 40 en Rioaveso, ao seu paso por Cospeito (Lugo). Indicaba que no interior do vehículo había unha persoa ferida, consciente pero que non podía saír. Con estes datos, os xestores do 112 pasaron aviso ao Servizo de Urxencias Sanitarias de Galicia-061, aos Bombeiros de Vilalba, á Garda Civil de Tráfico e ao persoal de mantemento da vía.Unha vez no punto, os Bombeiros confirmaron a excarceración do ferido para posteriormente ser trasladado polo persoal do Servizo de Urxencias Sanitarias de Galicia-061.
Trátasde dun grupo coñecido pola súa posta en escena humorística e teatral, que combina música tradicional con estética de taberna e espírito festivo. O evento celebrarase o 22 de maio ás 23:00 horas na Rúa do Cobo nº 18, cun prezo de entrada de 5 euros. As persoas asistentes están convidadas a traer instrumentos para sumarse á foliada. A actividade conta con presenza en Facebook, Instagram e TikTok, onde se pode seguir a programación e novidades do espazo.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
