Hai conceptos que históricamente están asociados á sociedade galega porque foron e en gran medida seguen a ser Unha das súas características. Estoume a referir á autoxenreira. Unha actitude que aínda que hoxe está menos extendida, segue a ter o seu peso en certos segmentos da nosa sociedade e polo tanto, segue a condicionar a nosa realidade, porque nestas almas persisten moitas das rivas que determinaron o noso atraso e a nosa dependencia histórica e nas que Cabe salientar unha baixa autoestima e xa que logo o tan reiterado complexo de inferioridade, que por converterse cáseque nun tópico do noso carácter, coido que é merecente dunha reflexión.
O estudioso do comportamento humano Alfred Adler, estimaba que a forza principal do psiquismo está na tendencia que todo individuo ten á ” realización de si mesmo”. Pero na consecución deste obxectivo tropeza sempre coas súas propias limitacións, desenvolvendo deste xeito un sentimento de inferioridade, que lonxe de frustrado, constitúe unha motivación para superarse a si mesmo.
Pero no caso que nos concirne, como consecuencia dunha negativa experiencia histórica, amargamente sufrida polo pobo galego, a maioría das nosas xentes fóronse instalando nas súas propias limitacións. Situación que se foi consolidando co tempo por causa do que o investigador da psicoloxía positiva Martín Seligman, chama ” indefensión aprendida”, que non é máis que o sentimento da propia incapacidade para facer fronte ás situacións problemáticas que presenta a propia vida e que se foi proxectando de xeración en xeración. Deste modo, o normal sentimento de inferioridade trocou, por unha continuada situación de subordinación e dependencia, nun complexo de inferioridade. Este tipo de sentimento é unha patoloxía que se aprende para logo irse herdando ata transformarse en característica de todo un pobo.
Este complexo de inferioridade, inducido dende fóra e abonado no interior mediante distintos procedementos, foi engordando na maioría da nosa xente para acabar derivando nun fondo auto odio que tanto distorsionou a imaxe que os galegos e galegas tivemos e seguimos a ter de nós mesmos, da nosa cultura e do noso pobo, e xa que logo, das nosas posibilidades como país.
Esta é, dende logo, unha das eivas que tanto nos condicionaron históricamente e, en gran medida, nos segue a condicionar hoxe, porque nos continúa dificultando un desenvolvemento de seu, auto centrado, que ademais de benestar, forneza a nosa sociedade dunha razoable autoestima cara aos valores que nos son propios, e nos dea confianza en nós mesmos e no futuro do país. Porque temos potencialidades de seu para poder avanzar sen que nada nos límite fóra do que son as normais dificultades.
Trátase, xa que logo, de educar e persuadir para fornecer de autoestima colectiva a nosa mocidade e rachar coa pesada lousa que historicamente supuxo para o país o complexo de inferioridade sufrido e que segue aínda condicionando a nosa vida e a nosa actitude diante do que nos é propio por ser o froito da nosa historia.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
