Balseiro advirte que o PP seguirá “alzando a voz fronte a un Goberno máis preocupado polos seus equilibrios políticos que por garantir o futuro industrial, o emprego e as oportunidades de Galicia e de Lugo”
Madrid, 26 de maio de 2026. O senador do Partido Popular por Lugo, José Manuel Balseiro, denuncia que o Executivo de Sánchez “condena Lugo ao illamento industrial” ao deixar sen rede de transporte o oeste e o centro da provincia.
O Partido Popular logrou este martes o respaldo da Comisión de Transición Ecolóxica do Senado -sen ningún voto en contra e coa abstención do PSOE- a unha moción para esixir ao Goberno de España unha planificación eléctrica “xusta, equilibrada e acorde ao peso enerxético e industrial de Galicia”, fronte ao que cualificou como unha “discriminación política intolerable” por parte do Executivo de Pedro Sánchez.
Durante o debate, o PP denunciou que a actual planificación estatal da rede de transporte eléctrico “condena Lugo ao illamento industrial” ao deixar o oeste e o centro da provincia sen unha soa subestación de transporte eléctrico. “Unha provincia desconectada é unha provincia condenada”, defendeu o popular.
O senador lucense acusou ao Goberno central de “falar de transición ecolóxica mentres abandona industrialmente Galicia” e lembrou que calquera proxecto industrial estratéxico que queira implantarse en amplas zonas de Lugo “non poderá conectarse á rede eléctrica por falta de capacidade”.
Os populares subliñaron a “enorme contradición” que supón que Galicia produza o 8,8 % de toda a electricidade de España e o 29 % da enerxía hidráulica estatal, pero só reciba o 2,8 % do investimento previsto na planificación eléctrica nacional. Ademais, denunciou que, descontando actuacións herdadas ou xa executadas, o investimento real para Galicia “cae nun ridículo 1,6 % do total estatal”.
O PP tamén alertou de que o Goberno apenas atende unha de cada catro necesidades enerxéticas formuladas por Galicia: “A comunidade solicitou máis de 8.000 megavatios de nova capacidade e o Executivo só concede 1.899”.
Así mesmo, os populares denunciaron que zonas de enorme potencial industrial como Curtis e Teixeiro quedan “en antena”: “Chega o cable, pero non chega a capacidade. Hai enchufe, pero non hai electricidade detrás”.
José Manuel Balseiro defendeu que a moción aprobada no Senado supón “un paso importante para esixir ao Goberno central que deixe de tratar Galicia como unha colonia enerxética que produce para todos mentres se lle negan as infraestruturas necesarias para desenvolverse”.
Nese sentido, o PP reclamou máis investimento para Galicia, unha distribución territorial equilibrada da capacidade eléctrica e mecanismos áxiles para conectar proxectos industriais estratéxicos.
Finalmente, os populares advertiron que seguirán “alzando a voz fronte a un Goberno máis preocupado polos seus equilibrios políticos que por garantir o futuro industrial, o emprego e as oportunidades de Galicia e da provincia de Lugo”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
