Miguel Fernández participou na presentación da 5ª edición da Feira de Primavera de Emprendedoras, que este ano leva de título Artesanía e Innovación no Rural e que se celebrará na Praza Maior cun programa que inclúe mesas redondas e 25 postos
Lugo, 25 de maio de 2026. O Deputado de Formación, Ensino e Economía do Coñecemento, Miguel Fernández Méndez, participou este luns na presentación da 5ª edición da Feira de Primavera de Emprendedoras, organizada polo Campus Terra da Universidade de Santiago de Compostela e que se celebrará o vindeiro sábado, 30 de maio, na Praza Maior de Lugo baixo o título Artesanía e Innovación no Rural.
Durante o acto, o Deputado reivindicou “o talento e a capacidade transformadora das mulleres emprendedoras do rural lucense”, facendo especial fincapé na artesanía. “Porque a artesanía fala do oficio, do saber facer e da identidade dun territorio, pero tamén fala de innovación, de deseño, de sustentabilidade e de novas oportunidades”, sinalou Miguel Fernández.
Así mesmo, engadiu que “detrás de cada peza hai creatividade, horas de traballo e unha maneira de entender o mundo que pon valor no auténtico, no feito con coidado e no que nace da proximidade”. Neste sentido, defendeu o compromiso da Deputación cun rural “vivo, dinámico e con oportunidades”, no que o emprendemento conte con apoio institucional, visibilidade e espazos para o seu desenvolvemento.
O Deputado rematou destacando o protagonismo das mulleres participantes nesta edición, que contará con 25 postos de mulleres que exhibirán os seus produtos artesáns. “Esta feira serve precisamente para visibilizar o enorme talento que temos e para recoñecer o papel de tantas mulleres emprendedoras que están dinamizando o rural galego desde os seus proxectos”, apuntou.
Programa da xornada
A programación da quinta edición da Feira de Primavera de Emprendedoras inclúe dúas mesas redondas centradas na innovación e no futuro da artesanía, que se desenvolverán no seguinte horario:
• 11:00 – 11:45 h: Mesa redonda “Xuntas innovamos: cooperación e futuro na artesanía”
• 12:00 – 12:45 h: Mesa redonda “Artesanía circular e con propósito: posicionamento e potencial de vendas”
A xornada contará ademais cunha demostración artesanal a cargo da empresa Fusaiola, na que as persoas asistentes poderán coñecer técnicas básicas de tecido en teares de sobremesa de peite ríxido. A partir das 13:45 horas, o evento completarase cun espazo de degustación con food truck, música e ambientación.
Celebrouse no marco das festas de Vilamar, en Barreiros.
Trátase dunha mostra apoiada pola Xunta que pon en valor o patrimonio histórico, artístico e xacobeo do templo. Comisariada polo historiador Daniel Manuel Vázquez Vila, a exposición reúne oito paneis de carácter didáctico que repasan a historia do santuario, as súas pinturas medievais, góticas e marianas e a súa relación cos Camiños do Norte. O acto enmarcouse no inicio das festas, que concluíu coa lectura do pregón a cargo de Carmen Rodríguez Cancelo.
Faino despois de que esta semana aparecese vandalizada a lápida de Paulo Lopes nun acto que a entidade cualificou de racista e xenófobo. O colectivo expresou o seu apoio á familia e reclamou que se esclareza a orixe da agresión. A concentración terá lugar o luns 25 de maio, ás 20:00 horas, na praza do Concello de Burela, baixo o lema de apoio a Antonina Semedo e contra o racismo.
Durante a visita, destacou a importancia do evento para impulsar a comercialización do produto artesán galego, achegar os oficios á sociedade e reforzar a marca Artesanía de Galicia como sinónimo de calidade e traballo feito á man. Nesta edición participaron 20 obradoiros inscritos no Rexistro Xeral de Artesanía de Galicia, especializados en marroquinería, cantería, xoiería, cerámica, forxa, bordado ao aire, cestería, xoguetes, tecido, debuxo, vidro, elaboración de roupa, bixutería, sombreirería e complementos de moda.
Os premiados e recoñecidos queixos de Gandería Quintián foron os protagonistas. Os asistentes puideron ver a elaboración de diferentes receitas, que despois tiveron a oportunidade de degustar. A Gastropraza está organizada polo Concello de Ribadeo, a asociación de Cociñeiros Lugo, a Xunta de Galicia e Acisa.
O acto contou coa presenza do alcalde, Carlos López López, e de representantes institucionais de ABANCA e Afundación. A mostra, que poderá visitarse na Casa da Cultura ata o 3 de xullo en horario de 14.00 a 20.00 h, forma parte do proxecto «Corrente cultural», co que Afundación impulsa a difusión artística por toda Galicia. A exposición reúne corenta fotografías procedentes dos arquivos da Axencia EFE que retratan a emigración española e galega ao longo do século pasado, ofrecendo unha mirada humana e documental sobre a historia de millóns de persoas que tiveron que abandonar o seu país para sobrevivir.
Durante a visita déronlle un ramo de flores e felicitárona en nome de toda a veciñanza nesta data tan especial. Un xesto co que o Concello quixo recoñecer e poñer en valor ás persoas maiores de Burela, que forman unha parte fundamental da comunidade.
