A Mariña, 26 de maio, 2026. Incutalent anuncia a creación de Editorial Salpetro, un novo selo editorial con vocación cultural, atlántica e creativa, orientado á publicación de obras con identidade propia, coidado literario e forte arraigamento na realidade galega contemporánea.
Editorial Salpetro nace como unha extensión natural do ecosistema de Incutalent, incorporando unha liña de actividade vinculada á cultura, á edición, á comunicación e á produción de contidos. O selo aposta por novos autores e ideas, e ten como obxectivo impulsar proxectos literarios que combinen calidade, personalidade, memoria, territorio e innovación narrativa.
O primeiro libro publicado baixo este novo selo é ASÍ EN CRÚ, Nin tan mal.: Relatos curtos, odas e un conto sen aliñar, de Juan Carlos Piñeiro Docampo, xa dispoñible en Amazon. A obra reúne textos en galego que transitan entre o relato breve, a observación social, a ironía, a memoria emocional e unha mirada directa á Galicia cotiá. Este lanzamento marca a liña fundacional de Editorial Salpetro: literatura con voz propia, nacida desde o territorio e comprometida coa creación galega contemporánea.
“Editorial Salpetro nace para publicar libros con alma, con carácter e con verdade. Queremos construír un selo que sexa un espazo de creación, memoria e liberdade literaria”, sinala José Luís Rubal García, director do selo.
O nome Salpetro evoca o mar, a pedra, a intemperie e a pegada cantábrica, representando unha maneira de entender a cultura desde A Mariña, con raíz, oficio, independencia e vocación de permanencia.
Con este primeiro lanzamento, Incutalent abre unha nova liña estratéxica dentro da súa actividade, reforzando o seu compromiso coa creatividade, coa innovación e coa xeración de proxectos culturais con impacto.
Sobre Editorial Salpetro
Editorial Salpetro é un selo impulsado por Incutalent para a publicación de obras literarias, culturais e de pensamento con identidade propia. A súa liña editorial abrangue narrativa, memoria, cultura galega, ensaio social, literatura de autor e proxectos creativos de valor singular.
Sobre Incutalent
Incutalent é unha plataforma de impulso empresarial, cultural e estratéxico vinculada á innovación, á comunicación, ao desenvolvemento de proxectos e á creación de novas liñas de actividade en distintos sectores.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
