Ribadeo, 3 de xuño de 2026. O equipo de goberno mantivo encontros co Ribadeo FC e coa SD Ribadeo para expoñerlles o proxecto de construción dun campo de herba artificial no Campamento Xuvenil da Devesa. O concelleiro de Deportes, Francisco José Silvent, asegura que Ribadeo segue agardando por unha resposta da Área de Deportes da Deputación Provincial de Lugo.
O edil ribadense indica que “en vinte anos en ningún momento o BNG levou adiante proxecto algún para contar cun campo de herba artificial. Os técnicos municipais aseguran que non colle o campo de herba artificial de fútbol 11 no terreo que eles propoñen. Non valen imaxes realizadas con intelixencia artificial, aquí so serven proxectos reais”.
Silvent sinala que “o terreo que eles citan non é propiedade do Concello, entón estaríamos a falar dun custe moi superior, chegando incluso a superar o dobre do proxecto que realizaremos coa axuda da Xunta de Galicia. Esa proposta sería inasumible. Aínda a día de hoxe estamos a agardar por unha resposta da Área de Deportes da Deputación de Lugo, que leva o BNG. Nada dixo do campo de herba artificial nin tampouco dos outros proxectos realizados por este equipo de goberno e que acadaron nestes tres anos un investimento de 300.000 euros: pavillón de Alfredo Deaño, pavillón de Cubelas, arranxos no Pepe Barrera e Campo de Outeiro. Todo co obxectivo de recuperar todas as instalacións que se atopaban nun estado de abandono evidente”.
Silvent engadiu que “este proxecto do campo de herba artificial é un primeiro paso nunha folla de ruta que levará a Ribadeo a conseguir facer realidade outras novas instalacións deportivas, pero sempre desde a planificación que nos marcamos desde o equipo de goberno e desde a Concellería de Deportes. Nós xa temos un proxecto de obra para o novo campo de herba artificial, non unha imaxe creada con ChatGPT irreal, que para nada concorda coa realidade métrica dos terreos. No Concello de Ribadeo traballamos da man dos técnicos municipais e coa colaboración continua do Ribadeo FC e da SD Ribadeo, entidades coas que mantivemos xuntanzas para expoñerlles o proxecto e esta mesma mañá un encontro técnico para definir os últimos detalles do campo de herba artificial”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
