Foz, 5 de xuño de 2026. Foz ilumina estes días a fachada da Casa do Concello en cor vermella con motivo do Día Mundial da Hemocromatose, que é este domingo, 7 de xuño. Súmase así á campaña de sensibilización e visibilización desta enfermidade xenética, “pouco coñecida pero máis frecuente do que se pensa”, explica a concelleira de Sanidade, Kathy Navarro Machado, que engade: “a hemocromatose é unha enfermidade hereditaria que provoca unha acumulación excesiva de ferro no organismo, podendo afectar órganos como o fígado, o corazón ou o páncreas se non se diagnostica e trata a tempo. Estímase que afecta aproximadamente a 1 de cada 1.000 persoas na súa forma máis desenvolvida, aínda que moitas permanecen sen diagnosticar durante anos debido a síntomas pouco específicos como cansazo, dor articular ou malestar xeral”.
Kathy Navarro destaca que “con este xesto simbólico, o Concello de Foz quere amosar o seu apoio ás persoas afectadas e ás súas familias, así como contribuír á concienciación social sobre a importancia da detección precoz e do coñecemento desta doenza. Dende o Concello de Foz queremos dar visibilidade ás enfermidades que, malia ser pouco coñecidas, teñen un importante impacto na vida das persoas. Iluminar a Casa do Concello é un pequeno xesto de apoio e sensibilización para lembrar a importancia do diagnóstico temperán da hemocromatose e acompañar ás persoas afectadas. O Concello de Foz reafirma así o seu compromiso coa promoción da saúde e coa sensibilización arredor das diferentes enfermidades, sumándose ás datas conmemorativas que axudan a informar, concienciar e apoiar ás persoas afectadas”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
