O sindicato rexistrou alegacións á proposta que actualmente está en exposición pública e que considera propia dunha «estrada de baixas prestacións» que resulta «ineficaz» para a economía local
Santiago de Compostela, 5 de xuño de 2026. A Unión Comarcal de CCOO da Mariña alerta dun «illamento estrutural irreversible» de Viveiro polo proxecto das variantes leste e oeste, actualmente en fase de información pública. O sindicato presentou alegacións ao estudo informativo e de impacto ambiental destas infraestruturas por considerar que o trazado proposto supón unha «oportunidade perdida» para garantir o desenvolvemento económico e industrial do municipio.
Para Comisións Obreiras, trátase dunha «estrada de baixas prestacións» que resulta «completamente ineficaz» para as necesidades actuais e futuras do tecido empresarial e económico da zona. Segundo expón nas alegacións, a configuración prevista presenta importantes limitacións que comprometen a capacidade de crecemento de Viveiro a medio e longo prazo.
CCOO advirte de que o deseño e ocupación de solo prevista imposibilitarían ou encarecerían de forma «moi significativa» unha futura ampliación para convertela nunha vía de altas prestacións. Tamén xerará limitacións para o tráfico pesado e para a actividade loxística das empresas, o que podería traducirse nun aumento dos tempos de transporte, maiores custos operativos e menor capacidade para atraer novos investimentos.
Por este motivo, o sindicato solicítalle á Consellaría de Vivenda e Planificación de Infraestruturas que redeseñe o proxecto para dotar a circunvalación «das características xeométricas propias dunha vía de altas prestacións». Como alternativa, pide que se modifiquen o trazado e as expropiacións previstas para garantir a reserva de solo necesaria que permita un futuro desdobramento da infraestrutura.
O sindicato defende que unha actuación destas características debe planificarse «con visión de futuro» e coa capacidade «suficiente» para responder ás necesidades de mobilidade, actividade económica e desenvolvemento industrial da comarca nas próximas décadas.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
