A iniciativa está subvencionada con cargo dos fondos do Pacto de Estado contra a Violencia de Xénero
Burela, 5 de xuño de 2026. O Concello de Burela incorporará nas festas patronais unha nova medida de prevención e seguridade dirixida especialmente á mocidade: pulseiras de detección de drogas de submisión química. Con esta iniciativa, Burela converterase na primeira festa patronal de Galicia en contar con este recurso preventivo no propio espazo festivo.
As pulseiras repartiranse no campo da festa a través do persoal do Punto Lila, que funcionará o sábado, domingo e luns en horario de 22:00 a 06:00 horas. Esta acción enmárcase nas medidas municipais de prevención, sensibilización e acompañamento fronte ás violencias machistas, e está subvencionada a través do Pacto de Estado contra a Violencia de Xénero.
Estas pulseiras funcionan mediante sensores químicos que reaccionan cun cambio de cor cando entran en contacto con determinadas substancias asociadas á submisión química. Para empregalas, só é necesario aplicar unha pequena mostra da bebida sobre a zona reactiva da pulseira e observar se se produce ou non cambio de cor. Se non hai cambio, non se detectan substancias; se hai cambio de cor, a pulseira indica unha alerta.
Segundo a información facilitada pola empresa, as pulseiras permiten detectar GHB, coñecido tamén como éxtase líquido, substancias como ketamina, escopolamina —coñecida como burundanga—, MDMA ou outras substancias similares. Trátase dun dispositivo sinxelo, discreto e reutilizable durante a noite sempre que non se active por presenza de substancias.
Dende o CIM de Burela sinalan que “este tipo de medidas non substitúen a atención profesional nin os protocolos de seguridade, pero si poden ser unha ferramenta moi útil de prevención, información e autoprotección nos espazos de ocio”. Ademais, destacan que “o máis importante é que a mocidade saiba que non está soa, que existe un Punto Lila ao que acudir e que calquera situación de risco debe ser comunicada canto antes”.
A concelleira de Servizos Sociais e Igualdade, Sandra Fernández Cillero, destacou que “queremos unhas festas seguras, libres e respectuosas, nas que a mocidade poida gozar sen medo”. Neste sentido, sinalou que “as pulseiras son unha ferramenta preventiva máis, que complementa o traballo do Punto Lila e as accións de sensibilización fronte ás violencias machistas”.
Fernández Cillero subliñou tamén que “a seguridade nos espazos de festa é unha responsabilidade colectiva” e incidiu en que “Burela quere ser un espazo de convivencia, liberdade e coidado compartido”.
O Concello lembra que o Punto Lila estará dispoñible no campo da festa o sábado, domingo e luns, de 22:00 a 06:00 horas, como espazo de información, prevención, acompañamento e primeira atención ante posibles situacións de violencia machista ou agresións sexuais. Dende este punto tamén se repartirán as pulseiras de detección de drogas de submisión química.
Así mesmo, dende o concello recomendan acudir ao Punto Lila ou ás forzas de seguridade ante calquera dúbida e pedir axuda de inmediato se se observa unha situación de risco ou sospeita.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
