No pasado Pleno de Viveiro, o BNG presentou unha moción defendendo a variante integrada na VAC, tal e como levamos reivindicando dende hai máis de 25 anos. Tal vez non somos conscientes do significativo desta moción pois, grazas ao PP e Por Viveiro, é a primeira vez en 25 anos que o Pleno de Viveiro rexeita a defensa da VAC Costa Norte como chave para o desenvolvemento do noso Concello. Tal vez, Mariña e Bernardo son uns visionarios, e son capaces de ver algo que 2 Plans Estratéxicos de Estradas, 5 presidentes da Xunta, 6 conselleiros de infraestruturas e 3 alcaldes distintos non lograron ver: Viveiro debe renunciar á VAC. Tal vez, PP e Por Viveiro tacharon de parvos á inmensa maioría da veciñanza de Viveiro, pois non fomos capaces de entender en máis de dúas décadas que non precisamos infraestruturas do século XXI para avanzar, e pensamos que é fundamental un corredor entre Barreiros e Ferrol, cun trazado moderno, seguro e áxil e con posibilidade de desdobramento futuro. E agora, resulta que a variante-corredoira é a solución.
Pero eu opóñome a este negacionismo, á falta de ambición e á tristura dos que dín non á VAC. Viveiro non pode seguir quedando atrás vendo como a industria, o comercio e o turismo miran cada vez máis cara vilas ben comunicadas, nas que podes chegar por autovía cómodamente ata un enlace urbano. A VAC Costa Norte é unha alternativa para conectar o Cantábrico e o Atlántico e aproveitar as sinerxias do desenvolvemento industrial da nosa contorna. Unha vía que mellore a vida da veciñanza, que poderán cómodamente pasar a o día a Ortigueira, a Foz ou a Ferrol, e viceversa. E este sentir, é o que en Viveiro (e os que visitan Viveiro) levamos tendo durante 25 anos.
E agora a Xunta de Rueda anuncia o que xa estaba feito durante o bipartito, pero sobreescrito en versión cutre, nun intento desesperado de finxir un interese que non houbo en 20 anos. Pura estratexia que non oculta décadas dun desprezo insultante. Ao igual que as supostas “alegacións” do PP e Por Viveiro, que non son outra cousa que unha corrección de erros que non melloran nada: o terceiro carril é imprescindible coas pendentes anunciadas; o enlace nos Xulgados é sinxelamente imposible de facer e os “novos” viaductos son sobre regatos que “esqueceron” no proxecto.
No BNG témolo claro: SI á VAC. Con vontade política, os prazo para a licitación serían incluso menores que esta vía de baixas prestacións. E hai que pelexala entre todas e todos os que pensan que Viveiro merece máis, sexan das siglas que sexan, pois non haberá outra oportunidade.
Severino Salgueiro Rodríguez.
Concelleiro do BNG en Viveiro. Enxeñeiro de Camiños
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
