Foz, 12 de xuño de 2026. O Concello de Foz aprobou o orzamento municipal deste ano, que incorpora un total de 10.208.784,14 euros, “cos que se sigue apostando por mellorar os servizos públicos, principalmente no ámbito social, cultural, deportivo e educativo. Tamén se inclúen partidas para obras en viais rurais, a adquisición dunha varredora e dunha cesta para os traballos en altura, maquinaria moi necesaria no concello. Así mesmo continuase apostando pola mellora nos equipamentos da escola de música, coa adquisición de novo material e increméntanse as partidas destinadas a subvencións para os clubs deportivos, asociacións culturais, sociais e de atención a animais” explica a concelleira de Facenda, Inés López Couto.
A edil engade que “o orzamento debe ser o máis fiel ás necesidades do concello, e iso é o que intentamos. Por desgraza os recursos son finitos e deben repartirse, polo que non sempre chegamos a todo o que nos gustaría levar a cabo, mais seguimos traballando na busca de fondos en colaboración con outras administracións para ampliar ás melloras que inclúe este orzamento. Debemos destacar a inclusión de fondos para o aumento do programa Xantar na Casa e tamén para a contratación dun segundo traballador social no ámbito dos servizos sociais, a inclusión de subvencións nominativas para as Ampas dos colexios para facer fronte aos custes do servizo de madrugadores (no que actualmente tamén colaboraba o Concello), así como o impulso ás obras nas parroquias rurais de Foz, nas que se centrará o investimento deste exercicio, tanto con fondos propios como doutras administracións. Ademais os investimentos en infraestruturas da auga serán un plus neste exercicio. Unha nova tubería xeral (actualmente as roturas son continúas), así como a mellora da potabilizadora de Fazouro e a traída de Cordido, todo isto con cargo ao novo contrato e sen aumento do prezo do servizo”.
Inés López Couto comentou tamén que “no ámbito dos ingresos o voceiro do PP fixo unha pregunta moi intelixente acerca do canon inicial da concesión do servizo de auga, xa que se concentra todo no exercicio de inicio. Parece que non lembra que no prego que non conseguiu levar adiante no seu mandato había un exactamente igual que tamén se ingresaba no primeiro mes desde a sinatura do contrato, polo tanto non entendemos a sorpresa. Neste orzamento fomos moi prudentes no resto de ingresos facendo previsións garantistas: estamos traballando na mellora da recadación para que os que non queren pagar non prexudiquen ao resto dos veciños.
Teño que dar as grazas ao servizo de intervención pola premura e a implicación facendo este orzamento, reducindo os prazos ao mínimo”.
E o alcalde, Francisco Cajoto, destacou que “esta foi a semana dos acordos, tanto na mellora do campo de fútbol de Malates coma no orzamento municipal. Traballamos para xestionar e para que non se paralice o Concello, atendendo sempre as indicacións dos funcionarios. Creo firmemente que a única maneira de construír un Foz mellor é con consensos coas outras formacións políticas, fóra das crispacións que se ven noutros ámbitos. Foz crece e mellora, os datos son moi positivos: vamos continuar traballando con ganas para que siga sendo así”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
