Ribadeo, 12 de xuño, 2026. A neurocientífica galega de referencia internacional Sonia Villapol visitou a Feira da Ciencia de Ribadeo acompañada da súa familia. Tal e como explicou Susi Besteiro, coordinadora do evento, Villapol xa participara na XXVI edición cunha conferencia en liña durante o curso post-pandemia, cando as restricións impedían a súa presenza física. A visita quedara pendente, e este ano fixouse coincidindo coa celebración do Día da Muller e da Nena na Ciencia. O alumnado de 2.º ESO C, xunto co profesor de Física e Química Iván Varela, tivera a iniciativa de nomear a súa aula como Aula Sonia Villapol, o que motivou un vídeo de agradecemento da científica e a súa disposición a acudir ao centro para impartir a conferencia de clausura.
Villapol percorreu a Feira da Ciencia comezando polo proxecto do alumnado Stembach, en colaboración coa Universidade de Santiago de Compostela, titulado “Que nos fai humanos? A maxia do cerebro”. A alumna Aitana Monasterio explicoulle a investigación sobre o claustrum de cabalo, unha estrutura cerebral clave na integración sensorial. A neurocientífica interesouse tamén por outros traballos do IES Ribadeo Dionisio Gamallo, como O pulmón de palomitas, centrado na prevención do consumo de vapers, a innovadora Inmunoterapia con células CAR-T ou o estudo sobre Micro-ARN como interruptores da expresión xénica.
O alumnado do Sagrado Corazón presentoulle proxectos de tecnoloxía e un traballo de bioloxía sobre o recentemente descrito hemifusoma, unha estrutura celular relacionada coa reciclaxe intracelular. Na zona do CEIP Gregorio Sanz, Villapol desfrutou coas explicacións do alumnado de primaria sobre Scratch tactile e sistemas de rego automático. Tamén visitou o espazo do IES Porta da Auga, onde conversou co profesorado e se fotografou con numerosos estudantes.
Tras visitar a Aula Sonia Villapol, o museo de material didáctico e o laboratorio de Bioloxía, chegou o momento da conferencia. Aínda que estaba anunciada como “Un cerebro activado, un cerebro de preguntas”, Villapol ofreceu en primicia “O cerebro en modo ON”, título do libro que a editorial Galaxia publicará proximamente. A presentación correu a cargo de Iván Varela, acompañado por María Menéndez e Mateo Villapol, quen destacaron tanto a traxectoria científica da investigadora no Texas Medical Center de Houston como o seu papel divulgador durante a pandemia da COVID-19.
A conferencia resultou especialmente interesante para o alumnado, con explicacións sobre o comportamento adolescente e consellos para manter un cerebro saudable: durmir ben, practicar deporte, alimentarse axeitadamente e socializar. Ao remate, a súa filla Sheila, falando un galego impecable, presentou os resultados dunha enquisa comparativa sobre hábitos de vida e saúde mental realizada entre alumnado do IES de Ribadeo e dun instituto de Texas. Os datos amosaron similitudes significativas, quedando pendente unha análise conxunta máis detallada para o vindeiro curso.
Tras unha longa ovación, chegou o momento dos agasallos. Julia e Mateo Villapol entregáronlle un busto impreso en 3D grazas á colaboración de Conchi Fernández, de Polos Creativos. A directora do IES, María Ron, fíxolle entrega do Faro da Illa Pancha, símbolo de recoñecemento por ser “un faro de ciencia”.
O Paraninfo encheuse por completo, con presenza de familiares —incluídos os pais de Villapol—, amizades e numerosas autoridades: Francisco Díaz Fierros, Laura Fidalgo, a xefa do Servizo de Formación acompañada da asesora Leticia, Ana Alzate, xefa do Servizo de Inclusión, Carlos Carballo, director do CFR de Lugo, Judith Fernández Novoa, directora xeral de Ordenación e Innovación Educativa, e Daniel Vega, alcalde de Ribadeo.
No acto de clausura, Judith Fernández destacou a importancia da colaboración entre os catro centros educativos de Ribadeo e o valor destes eventos, enmarcados no programa Galicia Educa, para visibilizar o traballo do alumnado e do profesorado e favorecer a orientación académica. Finalmente, o alcalde Daniel Vega clausurou a XXXI Feira da Ciencia felicitando a toda a comunidade educativa e reafirmando o compromiso de manter Ribadeo como “un faro de ciencia”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
