Ribadeo, 23 de xuño de 2026. Ribadeo asinará un convenio coa Consellería de Emprego, Comercio e Inmigración para levar adiante diversos proxectos. Un deles, que será pioneiro na remuda xeracional, será presentado por Acisa e polo Concello.
O alcalde, Dani Vega, contou que “tivemos unha reunión de traballo co conselleiro de Emprego, Comercio e Inmigración, coa secretaria xeral da Consellería e tamén coa directora xeral de Emprego. Neste caso, presentamos un proxecto moi ambicioso de actividades que teñen que ver coa promoción, coa difusión e tamén co dinamismo activo que ten Ribadeo no tocante á promoción do noso comercio”.
O rexedor declarou: “dende logo, agradecemos esta colaboración, este convenio que nos vai traer moitos beneficios e tamén oportunidades. Primeiro, a promoción do comercio, a actividade entorno ao comercio e tamén a difusión de distintas iniciativas que ten Ribadeo en colaboración con Acisa para evidentemente marcar obxectivos”.
Vega explicou que “unha parte do convenio está baseada na difusión, na comunicación e tamén no dinamismo do comercio. E outra parte do convenio está en promover feiras activas entorno á praza, por exemplo a Gastropraza, pero tamén a difusión do Mercado dos Domingos e tamén actividades relacionadas con artesanía de calidade, artesanía de Galicia, que hai poucos días que tivemos a feira aquí en Ribadeo, por seguir camiñando en eventos deste tipo e tamén vamos seguir promocionando actividades no tocante ao comercio e tamén á formación no entorno ao comercio”.
O alcalde ribadense seguiu a relatar: “outra parte importante que falamos co conselleiro é un proxecto piloto da remuda xeracional, que quere falar da problemática á hora de encontrar emprego de moitas persoas. Vemos que no sector servizos, no comercio sobre todo, pode haber unha saída laboral. Polo tanto, formación para a empregabilidade, formación para esa busca activa de emprego de moitas rapazas e rapaces. E tamén á hora de falar da remuda xeracional no momento da xubilación dunha persoa, ao mellor non ten esa remuda na familia, e ten que verse obrigado a cerrar o comercio. O que temos que facer é ese proxecto piloto dos comercios que están próximos á xubilación e traballar seriamente tecnicamente na remuda xeracional e na formación para a empregabilidade”.
Dani Vega subliñou que “é un proxecto innovador para Ribadeo, un proxecto que quere solucionar problemas para que moitos comercios non acaben cerrados, por lo tanto, non só visualizar o problema, senón poñerlle solución. Volvemos ser innovadores e Ribadeo ponse á cabeza na busca de solucións. Agradecerlle ao conselleiro, agradecerlle á Consellería todo o traballo que está facendo en colaboración co Concello e con Acisa. É un proxecto que nace conxuntamente entre Acisa, Concello e Xunta de Galicia, e nesta primeira reunión o que buscamos é poñerlle solución a moitos problemas. E en breve presentaremos o proxecto con Acisa e tamén coa Xunta de Galicia”.
A actividade puxo o broche final ao Programa Integral de Envellecemento Activo Municipal cunha charla sobre a xestión emocional das enfermidades neurodexenerativas, impartida pola psicóloga Carmen Breijo, da Fundación Degén, quen ofreceu un espazo de reflexión, aprendizaxe e orientación. A sesión contou tamén coa presenza do concelleiro Alfredo Fernández, que destacou a importancia de crear espazos de participación, coidado e benestar para as persoas maiores. O Concello agradeceu a colaboración da Asociación de Xubilados Terramar e da Fundación Degén, así como a participación de todas as persoas asistentes.
No acto acompañará ao autor o filólogo e escritor Ramón Reimunde.
Trátase dun proxecto educativo pioneiro en Galicia que traballa a autoestima, a motivación e as intelixencias múltiples. A directora, Raquel Hermida, salienta que o programa busca fomentar o talento infantil a través de experiencias novas, traballo en equipo, creatividade e proxectos de emprendemento. A escola funcionará de 8:00 a 15:00 horas para facilitar a conciliación e ofrecerá talleres de oratoria, comunicación e intelixencia emocional, ademais de reforzo escolar, novas tecnoloxías e mecanografía. As persoas interesadas poden obter máis información no teléfono 982 58 50 98 ou no correo raquel@amarina.org.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
