Lugo, 4 de xullo, 2026. A Fonsagrada estreou hoxe o Museo Forges, o primeiro espazo museístico de España dedicado ao humorista gráfico Antonio Fraguas, nun acto que contou coa presenza da Presidenta da Deputación de Lugo, Carmela López; o Alcalde da Fonsagrada, Carlos López; e o Ministro de Asuntos Exteriores, Unión Europea e Cooperación, José Manuel Albares. Xunto a eles participaron familiares do artista, representantes institucionais e numerosas persoas que contribuíron a facer realidade este proxecto impulsado polo Concello coa colaboración da Deputación de Lugo e do Goberno de España.
Durante a inauguración, Carmela López destacou que o novo museo “será un espazo vivo de memoria, cultura e futuro”, subliñando que transcende o ámbito cultural para converterse nun motor de dinamización territorial. A presidenta provincial incidiu en que o equipamento reforzará a oferta cultural da provincia, atraerá visitantes e xerará novas oportunidades para A Fonsagrada e para toda a montaña lucense. Tamén puxo en valor a colaboración institucional que fixo posible o proxecto, lembrando que a Deputación achegou 40.000 euros para completar a museografía, o equipamento e diversas actuacións complementarias, entre elas a posta en marcha do reloxo da fachada principal.
López agradeceu á familia de Antonio Fraguas a confianza depositada na Fonsagrada para custodiar parte do legado do creador, a quen definiu como “un autor irrepetible, capaz de facer sorrir e reflexionar a varias xeracións desde a intelixencia, a humanidade e a retranca”.
Pola súa banda, o alcalde Carlos López cualificou a apertura do museo como un fito histórico para o municipio e reivindicou o vencello de Forges coa terra do seu pai. “A partir de hoxe, quen se achegue á Fonsagrada terá un motivo máis para deterse”, afirmou, convencido de que este novo espazo converterá o municipio nun referente turístico e cultural.
Un museo para preservar o legado de Forges
O Museo Forges ocupa a antiga Casa Consistorial, un edificio histórico rehabilitado con 250.000 euros procedentes de fondos europeos do Plan de Recuperación, Transformación e Resiliencia. O inmoble albergará tamén a Oficina de Turismo na primeira planta, converténdose nun punto de referencia para veciñanza e visitantes.
A proposta museística reúne unha selección de viñetas, ilustracións e contidos expositivos que permiten achegarse á traxectoria artística e humana de Forges, un dos grandes referentes do humor gráfico español. O museo nace co obxectivo de preservar e divulgar o seu legado desde a terra de orixe da familia paterna do autor.
Ademais do seu valor cultural, o espazo está chamado a reforzar o atractivo turístico da Fonsagrada e da montaña lucense, ampliando a oferta patrimonial do municipio e converténdose nun novo punto de interese para visitantes e para os milleiros de peregrinos que cada ano percorren o Camiño Primitivo.
Un exemplo de recuperación do patrimonio público
A subdelegada do Goberno en Lugo, Olimpia López, destacou o compromiso do Executivo coa recuperación do patrimonio público como motor de desenvolvemento do territorio. Lembrou que a rehabilitación da antiga Casa Consistorial foi posible grazas ao Programa de Impulso á Rehabilitación de Edificios Públicos (PIREP), cun investimento total de 454.214 euros, dos que 271.255 euros foron achegados polo Goberno de España.
A subdelegada subliñou que a actuación permitiu transformar un edificio en desuso nun moderno espazo cultural aberto á cidadanía, que albergará a colección permanente cedida pola familia de Forges. Destacou tamén que o proxecto combina conservación do patrimonio, accesibilidade, eficiencia enerxética e sustentabilidade, converténdose nun exemplo de como os investimentos públicos contribúen a revitalizar o rural e crear novas oportunidades para a provincia.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
