Trabada, 7 de xullo de 2026. O Concello de Trabada vén de instalar novas zonas de sombra na piscina municipal coa colocación de varias jaimas, unha actuación que ten como obxectivo mellorar o confort e o benestar das persoas usuarias durante a tempada de verán.
Esta mellora complétase coa renovación da imaxe do recinto levada a cabo antes da apertura da piscina, reforzando así a aposta do Concello por ofrecer unhas instalacións cada vez máis cómodas e funcionais.
O alcalde de Trabada, Rubén García, destacou que “continuamos mellorando as instalacións municipais para ofrecer o mellor servizo posible aos usuarios da piscina, incorporando novos espazos de sombra que permitan desfrutar destas instalacións con maior comodidade durante os días de máis calor”.
O rexedor mostrou tamén a súa satisfacción pola resposta da veciñanza e dos visitantes, sinalando que “a piscina municipal está tendo unha moi boa acollida desde a súa apertura o pasado 15 de xuño, o que nos anima a seguir realizando pequenas actuacións que melloren a experiencia das persoas que a utilizan”.
O Concello lembra que a piscina municipal permanecerá aberta ata o 15 de setembro, en horario de 12:00 a 21:00 horas, todos os días da semana.
Desde o Concello continúan traballando para mellorar os espazos públicos e ofrecer unhas instalacións modernas, accesibles e adaptadas ás necesidades da veciñanza e dos visitantes.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
