Cervo, 13 de xullo do 2026. O Concello de Cervo será o escenario esta semana do II Campus de Verán de Natación Artística, unha iniciativa organizada pola Federación Galega de Natación (FEGAN), coa colaboración do Concello, que terá como escenario a Piscina Municipal de Lieiro, do 14 ao 18 de xullo.
O campus, que foi presentado polo concelleiro de Deportes, David Rodríguez, e polo presidente da Federación, Juan Carlos Brión, está dirixido a nenos e nenas nados entre os anos 2011 e 2015, que estean federados e pertenzan á disciplina de Natación Artística. As sesións estarán coordinadas por Sandra Montes, directora técnica da FEGAN, e pola adestradora Candela Fidalgo.
Durante cinco días, os 32 participantes que ocuparán as prazas dispoñibles combinarán os adestramentos técnicos con actividades lúdicas, nun programa que inclúe pensión completa e que busca favorecer tanto o perfeccionamento deportivo como a convivencia entre os mozos e mozas.
O concelleiro amosou a súa satisfacción por que Cervo volva ser sede dunha actividade deportiva destas características. “É unha enorme satisfacción que a Federación Galega de Natación aposte de novo polo noso municipio para celebrar este campus, recibiremos nestes días a deportistas e as súas familias, o que supón unha importante dinamización para a nosa vila e unha oportunidade para dar a coñecer todo o que Cervo ten que ofrecer”, sinalou.
Rodríguez destacou tamén o valor da colaboración entre administracións e entidades deportivas. “Desde o Concello seguimos convencidos de que a cooperación é fundamental para facer realidade iniciativas coma esta, que enriquecen a nosa programación, fomentan o deporte base e contribúen a achegar disciplinas tan atractivas e esixentes como a natación artística á cidadanía e, especialmente, á mocidade”.
O edil agradeceu á Federación Galega de Natación a confianza depositada no municipio unha vez máis e incidiu en que “seguiremos traballando para que Cervo continúe sendo un referente na organización de eventos deportivos de calidade, que xeran actividade, promoven hábitos saudables e proxectan a imaxe do noso concello máis aló das nosas fronteiras”.
O custo do campus será de 360 euros por deportista, incluíndo a pensión completa, os adestramentos e as actividades lúdicas.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
