Burela, 17 de xullo, 2026. A Asociación Esperanza de loita contra o cancro de Burela vén de poñer á venda a súa lotaría de Nadal correspondente ao ano 2026, concretamente o número 56.099. As persoas interesadas poden contactar con algún membro da entidade para adquirir o décimo, xa que será a directiva quen realice directamente a venda. Para iso, o local da asociación permanecerá aberto todos os mércores de xullo e agosto, de 18:00 a 20:00 horas.
Desde a directiva confían en que, igual que o ano pasado, a lotaría se esgote por completo. Por este motivo animan á veciñanza a adquirila canto antes, dado que o número de décimos é limitado. A asociación destaca que esta iniciativa, como todas as que promove, conta habitualmente co apoio da sociedade burelesa.
O prezo do décimo é de 23 euros, dos que 3 euros corresponden ao donativo para a Asociación Esperanza. A totalidade dos donativos destinarase ás achegas que o colectivo realiza cada ano a entidades e equipos dedicados á investigación contra o cancro, tanto na súa prevención, como na diagnose, tratamento e seguimento da enfermidade, así como a organizacións que traballan para minimizar o impacto da patoloxía na vida das persoas enfermas e das súas familias.
Ao remate do verán, e co obxectivo de distribuílo no mes de outubro, a asociación iniciará a elaboración do calendario Esperanza 2027.
Aportacións económicas de Esperanza
No presente ano 2026, a Asociación Esperanza destinará 13.000 euros á investigación contra o cancro. O proxecto Zebraglio, no que colaboran o HULA e a Universidade de Santiago —con Pablo Cabezas e Pedro Reimunde como dous dos principais investigadores— e centrado no estudo do glioblastoma, xa recibiu 3.000 euros.
A Fundación Quiroga Piñeiro do Centro Oncolóxico de A Coruña recibirá 2.000 euros, a mesma contía que a Asociación Somos Unidos por el Cáncer de Lugo. Pola súa banda, o Grupo Español de Investigación en Cáncer de Mama (GEICAM) contará cunha achega de 1.500 euros.
Ademais, a entidade realizará outras tres aportacións de 1.500 euros cada unha para os seguintes proxectos:
– Proxecto VERO, centrado no valor prognóstico e preditivo da resposta do microambiente do cancro gástrico en persoas novas, dirixido pola doutora Ana Fernández Montes, xefa de Oncoloxía da área sanitaria de Ourense, Verín e O Barco.
– Estudo sobre a modulación da resposta ao tratamento por parte do microambiente tumoral en cancro de páncreas, liderado polo doutor Jorge Barbazán da Universidade de Santiago.
– “O papel da microbiota intestinal en pacientes de cancro de mama luminal”, actualmente na fase de recrutamento de doentes e controis, e vinculado a outro estudo sobre a influencia dos minerais no organismo humano con este tipo de tumor. Neste proxecto participa o oncólogo do HULA, o doutor Ignacio Fernández Sobrado.
A asociación subliña que estas achegas permiten cumprir un dos seus principais obxectivos: contribuír ao financiamento de proxectos de investigación relacionados co cancro. Así mesmo, agradece a colaboración de todas as persoas e colectivos que fan posible a difusión e o éxito das súas iniciativas.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
