Burela, 17 de xullo, 2026. O Reyco Burela FS reforza o seu proxecto coa renovación da alianza tecnolóxica con CLUBER e a incorporación de Influence Quality (iQ) como nova marca deportiva da Familia Laranxa. O contrato entre as tres entidades formalizouse esta mañá na sede de CLUBER, na Coruña, coa presenza do presidente do club burelista, José Luis Sáez, o CEO de CLUBER, Diego López, e o cofundador de iQ Breogán Blanco.
O acordo terá unha duración de tres anos, coincidindo co período de xestión da actual presidencia e xunta directiva, consolidando unha aposta estratéxica por empresas galegas que comparten os valores de innovación, profesionalidade e compromiso co deporte.
Durante o acto, José Luis Sáez destacou a importancia de fortalecer os vínculos con compañías da comunidade e agradeceu a confianza depositada no proxecto laranxa. “Para nós é unha satisfacción contar con empresas galegas que cren no noso proxecto e nos acompañan neste momento. Estamos demostrando avances na remontada do club e esta confianza supón un impulso moi importante para seguir medrando con estabilidade e ambición”, sinalou o presidente burelista.
Por parte de iQ, unha marca deportiva 100% galega que leva apostando máis de dous anos polos clubs e deportistas galegos, Breogán Blanco mostrouse confiado por “unha alianza que afianza o vínculo da marca con Galicia e un dos clubs máis representativos da nosa comunidade e país”, recalcando que “o apoio de iQ ao club será transversal”.
Apoio que desde CLUBER, outra empresa de renome en Galicia e un crecemento exponencial estes últimos anos, amosou Diego López, remarcando de xeito paralelo o traballo conxunto das tres partes para “volver ver o Reyco Burela onde lle corresponde historicamente”.
CLUBER continuará sendo o socio tecnolóxico do Reyco Burela FS, un labor que desenvolve desde 2023 e que permitiu profesionalizar e optimizar a xestión da entidade a través das súas solucións dixitais, converténdose nunha ferramenta clave para o funcionamento diario do club.
Como principal novidade, Influence Quality (iQ) incorpórase como marca deportiva oficial do Reyco Burela FS. A firma herculina será a encargada de vestir a toda a Familia Laranxa, achegando prendas que combinan calidade, comodidade e deseño. O acordo abrangue tanto as preto de 200 xoias da Escola Imdecum Burela FS como os primeiros equipos masculino e feminino, de Segunda División.
Con esta dobre alianza, o Reyco Burela FS continúa fortalecendo a súa estrutura e reafirma a súa aposta por rodearse de socios estratéxicos que contribúan ao crecemento deportivo e institucional do club, impulsando un proxecto sólido, profesional e con marcado selo galego.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
